விழுப்புரம் மாவட்டம் ஒடுவன் குப்பம் கிராமத்தைச் சேர்ந்தவர் பழனி(60). அவர் முன்னாள் அதிமுக கவுன்சிலராக இருந்தவர். இவருக்கு இரண்டு மனைவிகள். ஒவ்வொரு மனைவிக்கும் இரண்டு பிள்ளைகள் உள்ளனர். கடந்த சில ஆண்டுகளாக இரண்டாவது மனைவியின் மகன் சந்திரசேகருக்கும்(40) பழனிக்கும் இடையே சொத்து பிரிப்பது தொடர்பாக தகராறு ஏற்பட்டுள்ளது.
பழனி முதல் மனைவியின் பிள்ளைகளுக்கு அனைத்து சொத்தையும் கொடுப்பதாக கூறப்பட்டது. இதனால் அதே ஊரில் இருக்கும் பூர்வீக சொத்து முழுவதையும் தனது பெயருக்கு மாற்றி தருமாறு சந்திரசேகர் கூறியுள்ளார். அதற்கு பழனி அனைவருக்கும் சமமாக சொத்தை பிரித்து தருவேன். அந்த நிலத்தை உனது பேருக்கு எப்படி மாற்றி எழுதி தர முடியும்? என கேட்டதால் இருவருக்கும் இடையே தகராறு ஏற்பட்டது.
இதில் கோபமடைந்த சந்திரசேகர் இயற்கை உபாதை கழிக்க சென்ற பழனியை டிராக்டர் ஏற்றி கொலை செய்தார். இதுகுறித்து அறிந்த போலீசார் சம்பவ இடத்திற்கு சென்று பழனியின் உடலை மீட்டு அரசு மருத்துவமனைக்கு பிரேத பரிசோதனைக்காக அனுப்பி வைத்தனர். இதுகுறித்து வழக்கு பதிவு செய்த போலீசார் சந்திரசேகரை கைது செய்தனர்.