தமிழகத்தில் பெண்களுக்காக அரசு சார்பில் ஏராளமான திட்டங்கள் செயல்படுத்தப்பட்டு வரும் நிலையில் அதில் முக்கியமான திட்டம்தான் கலைஞர் மகளிர் உரிமைத் தொகை திட்டம். இந்த திட்டத்தின் கீழ் குடும்பத் தலைவிகளுக்கு மாதம் தோறும் ஆயிரம் ரூபாய் வங்கிக் கணக்கில் வரவு வைக்கப்பட்டு வருகிறது. இதில் தகுதியுடைய பெண்களுக்கு உதவி தொகை வழங்கப்படும் நிலையில் பலருக்கும் இன்னும் மகளிர் உரிமைத்தொகை கிடைக்காமல் உள்ளது. இதனால் தற்போது உங்களுடன் ஸ்டாலின் முகாம் மூலமாக மீண்டும் மகளிர் உரிமைத் தொகைக்கு தகுதியுடைய பெண்கள் விண்ணப்பிக்கலாம் என முதல்வர் ஸ்டாலின் அறிவித்திருந்தார். இதனைத் தொடர்ந்து தற்போது உங்களுடன் ஸ்டாலின் முகாம் மூலமாக தகுதி உள்ள பெண்கள் அனைவரும் மகளிர் உரிமை தொகைக்கு விண்ணப்பித்து வருகிறார்கள்.
இவர்கள் அனைவருக்கும் விரைவில் உரிமைத்தொகை வழங்கப்படும் என தெரிகிறது. இந்நிலையில் தனியாக வசிக்கும் பெண்களுக்கு மகளிர் உரிமை தொகை கிடைக்குமா என பலரும் கேள்வி எழுப்பி வருகிறார்கள். அரசு விதிகளின்படி அவர்களும் ஆயிரம் ரூபாய் பெற தகுதியானவர்கள் தான். தனியாக வசிக்கிறேன் என குறைத்தீர் முகாமில் மனு கொடுத்து முதலில் ரேஷன் கார்டு பெற வேண்டும். பிறகு உங்களுடன் ஸ்டாலின் முகாமில் மகளிர் உரிமைத்தொகை பெற விண்ணப்பிக்க வேண்டும். ஆவணங்களை சரிபார்த்த பிறகு அவர்களுக்கும் மகளிர் உரிமைத்தொகை வழங்கப்படும் என அரசு தெரிவித்துள்ளது.