கரூரில் தமிழக வெற்றி கழகம் தலைவர் விஜய் பங்கேற்ற பிரச்சாரத்தில் ஏற்பட்ட கூட்ட நெரிசலில் சிக்கி 41 பேர் பரிதாபமாக உயிரிழந்தனர். தமிழகம் மட்டுமல்லாமல் இந்தியா முழுவதும் இந்த விவகாரம் அதிர்வலைகளை ஏற்படுத்தியுள்ள நிலையில் விரிவான விசாரணை நடத்த குரு நபர் ஆணையத்தை தமிழக அரசு அமைந்துள்ளது. இந்த விசாரணை ஆணையம் ஒருதலை பட்சமாக நடப்பதாக அதிமுக பொதுச்செயலாளர் எடப்பாடி பழனிச்சாமி உள்ளிட்ட எதிர்க்கட்சிகள் குற்றம் சாட்டி வருகின்றன.
இந்நிலையில் தமிழக வெற்றி கழகம் தலைமையின் மறு அறிவிப்பு வரும் வரை எந்த நிகழ்ச்சிகளையும் நடத்தக்கூடாது என்று கட்சியின் மாவட்ட நிர்வாகிகளுக்கு விஜய் அறிவுறுத்தியுள்ளதாக தகவல் வெளியாகி உள்ளது. மேலும் கரூர் துயரத்தில் பலியானவர்களின் விவரங்களை கட்சியின் தலைமை அலுவலகத்திற்கு நிர்வாகிகள் அனுப்பி வைத்திருப்பதாகவும் கூறப்படுகிறது. நீதிமன்ற உத்தரவு கிடைத்த பிறகு கரூர் செல்ல விஜய் திட்டமிட்டுள்ளதாக தெரிகிறது.