தீபாவளிக்கு இன்னும் சில நாட்கள் மட்டுமே உள்ள நிலையில் மத்திய அரசு ஊழியர்களுக்கு போனஸ் அறிவிப்பு விரைவில் வெளியாக உள்ளது. கடந்த ஆண்டு 11.72 லட்சம் ரயில்வே ஊழியர்களுக்கு 78 நாள் ஊதியத்திற்கு இணையான போனஸ் வழங்கப்பட்டது. அதனைப் போலவே இந்த ஆண்டு தீபாவளிக்கும் போனஸ் வழங்குவது குறித்து பிரதமர் மோடி தலைமையில் நடைபெற உள்ள மத்திய அமைச்சரவை கூட்டத்தில் ஒப்புதல் வழங்க வாய்ப்புள்ளதாக கூறப்படுகிறது. இதனைத் தொடர்ந்து விரைவில் மத்திய அரசு ஊழியர்களுக்கு போனஸ் குறித்த அறிவிப்பு வெளியாக உள்ளது. இந்தச் செய்தி மத்திய அரசு ஊழியர்கள் மத்தியில் மகிழ்ச்சியை ஏற்படுத்தியுள்ளது.
