ஆந்திர மாநிலத்தில் டிராக்டர் ஓட்டுநரான ராமஞ்சினியுலு என்பவர் வசித்து வந்துள்ளார். கடந்த 6-ஆம் தேதி வீட்டை விட்டு வெளியே சென்ற ராமஞ்சினியுலு மீண்டும் வீட்டிற்கு திரும்பி வரவில்லை. இதனால் அவரது மனைவி காவல் நிலையத்தில் புகார் அளித்துள்ளார். அந்த புகாரில் உறவினரான கொண்டையா என்பவர் மீது சந்தேகம் இருப்பதாக குறிப்பிட்டு இருந்தார். அவரை போலீசார் பிடித்து விசாரித்த போது அதிர்ச்சி தகவல் தெரியவந்தது. கொண்டையா ராமஞ்சினியுலுவை கொலை செய்ததை ஒப்புக்கொண்டார்.
சம்பவம் நடந்த அன்று கொண்டாயா ராமஞ்சினியுலுவை ஊருக்கு வெளியே அழைத்துச் சென்று மது வாங்கி கொடுத்துள்ளார். பின்னர் அவரை கொடூரமாக கொலை செய்துவிட்டு உடலை அப்பகுதியில் இருக்கும் குளத்தில் வீசி சென்றது தெரியவந்தது. தனது மனைவியுடன் ராமஞ்சினியுலு தொடர்பில் இருந்ததால் அவரை கொலை செய்ததாக கொண்டையா கூறியுள்ளார். இந்த விவகாரத்தில் அவருக்கு யாராவது உதவி செய்தார்களா என்பது குறித்து போலீசார் விசாரணை நடத்தி வருகின்றனர்.