அரசுப்பேருந்துகளில் பயன்படுத்தும் இலவச பஸ் பாஸ்… தமிழக அரசு வெளியிட்ட குட் நியூஸ்..!!

தமிழ்நாடு போக்குவரத்து கழகத்தில் வழங்கப்பட்டு வரும் கட்டணமில்லா பஸ் பாஸ் அட்டைகளை பயனாளிகள் இணையதளம் மூலமாக விண்ணப்பித்து பெற வழிவகை செய்யப்படும் என்று சட்டசபையில் அறிவிக்கப்பட்டது. அதன் அடிப்படையில் இந்த திட்டத்தை செயல்படுத்தும் விதமாக தமிழ்நாடு பயணியர் மற்றும் பொருள் போக்குவரத்து கழகம் தமிழ்நாடு மின் ஆளுமை முகமையின் நிறுவனத்தோடு இணைந்து மாற்று திறனாளிகள், கண்பார்வை குறைபாடு உள்ளவர்கள், வயது முதிர்ந்த தமிழறிஞர்கள் உள்ளிட்ட பயனாளிகளுக்கு https://www.tnesevai.tn.gov.in/ இணையதளம் மூலமாக கட்டணமில்லா பஸ் பாஸ் முதற்கட்டமாக கடந்த ஏழாம் தேதி முதல் அமல்படுத்தப்பட்டது.

இந்த திட்டத்தின் மூலமாக தங்களுடைய இருப்பிடத்திற்கு பக்கத்தில் உள்ள அரசு இ சேவை மையம் அல்லது என்ற https://www.tnesevai.tn.gov.in/ இணையதளத்தின் மூலமாக விண்ணப்பித்து கட்டணம் இல்லாமல் பஸ் பாஸ் பதிவிறக்கம் செய்து கொள்ளலாம். போதிய அவகாசம் தேவைப்படும் நிலையில் ஏற்கனவே பயனாளிகள் பயன்படுத்தி வரும்  முப்பதாம் தேதி வரை செல்லத்தக்க பஸ் பாஸ் அக்டோபர் 31ம் தேதி வரை மேலும் ஒரு மாத காலத்திற்கு நீட்டித்து அரசு போக்குவரத்து கழக பேருந்துகளில் பயணம் செய்யும் விதமாக அனுமதி வழங்கப்பட்டுள்ளது.