மதுரையில் இன்று தமிழக வெற்றி கழகத்தின் இரண்டாவது மாநில மாநாடு பிரம்மாண்டமாக நடைபெற உள்ள நிலையில் அதற்கான பணிகள் முழுவீச்சில் நடந்து கொண்டிருக்கிறது. இதனிடையே மாநாட்டு அரங்கில் 100 அடி கொடி கம்பம் நிறுவும் பணியின் போது திடீரென விபத்து ஏற்பட்டதால் கொடிக்கம்பம் சரிந்து காரின் மீது விழுந்தது. இந்த விபத்தில் நல்வாய்ப்பாக யாருக்கும் காயம் ஏற்படவில்லை என்ற போதிலும் 20 லட்சம் ரூபாய் மதிப்புள்ள கார் முற்றிலும் சேதமடைந்தது.
இந்த விபத்து பெரும் சர்ச்சையை ஏற்படுத்தியது. இதனைத்தொடர்ந்து ராட்சத ஃபோக்கஸ் லைட்டுகள் சரிந்து விழுந்தது. இப்படி அடுத்தடுத்து விபத்துக்கள் நடந்ததால் tvk தொண்டர்கள் அதிர்ச்சியில் இருந்தார்கள். ஆனால் TVK தலைவர் விஜய் மாநாட்டு அரங்கில் ஏற்பாடுகளை நேரில் ஆய்வு செய்தார். மேலும் சேதமடைந்த கொடிக்கம்பத்திற்கு மாற்றாக வேறு கொடிக்கம்பம் தயாராகி வருவதாக கூறப்படுகிறது. பல பிரச்சினைகளுக்கு மத்தியில் இன்று மாநாடு வெகுசிறப்பாக நடைபெற உள்ளது. இதற்கிடையில் திமுக, அதிமுக பலமான கூட்டணியாக இருக்கும் நிலையில், விஜய் இதுவரை கூட்டணி குறித்து எந்த அறிவிப்பையுமே வெளியிடவில்லை. எனவே இன்று நடக்கும் மாநாட்டில் கூட்டணி குறித்த அறிவிப்பை வெளியிடுவார் என்று கூறப்படுகிறது.