விஜய், சிம்பு போன்ற பிரபல நடிகர்களை வைத்து பல ஹிட் பாடல்களை கொடுத்த ராபர்ட் மாஸ்டர், சில காரணங்களால் சினிமா பக்கம் காணாமல் போனார். சமீபத்தில் அவர், பிக் பாஸ் 6 ஆவது சீசனில் கலந்து கொண்டு, மக்களை என்டர்டையின் செய்தார். சமீபமாக ராபர்ட் மாஸ்டரின் தாயார் மறைந்துள்ளார். அவரது தந்தை சமீபமாக அளித்த பேட்டி ஒன்றில், ராபர்ட் மாஸ்டரின் தனிப்பட்ட வாழ்க்கை பற்றி பகிர்ந்துள்ளார்.
அதில், “என் மகன் 18 வயதில், ஒரு பெண் நடனக் கலைஞரை காதலித்து திருமணம் செய்து கொண்டான். இருவருக்கும் ஒரு குழந்தை பிறந்தது. அந்தக் குழந்தை இரண்டு வயது இருக்கும்போது, இருவரும் துரதிஷ்டவசமாக பிரிந்து விட்டனர். பின் அவர்கள் இருவரும் சந்தித்துக் கொள்ளவே இல்லை. எதேர்ச்சியாக ஒரு நாள் ராபர்ட் காரில் சென்று கொண்டிருக்கும்போது, அவர் மனைவியையும் மகளையும் பார்த்தார். ராபர்டின் முன்னாள் மனைவி, சகஜமாக பேசிவிட்டு செல்லும்போது, அவரது மகளிடம் மாமாவுக்கு பாய் சொல்லு” என்று கூறிவிட்டு சென்றார். இதனைக் கேட்ட ராபர்ட் மனம் உடைந்து கண்ணீர் விட்டு அழுதார்.