தமிழகத்தில் டாஸ்மாக்கில் நடந்த ஊழல் புகார் தொடர்பாக நடந்த ரெய்டில் திரைப்படத்துறையை சேர்ந்த பலரும் சிக்கினார்கள். இது போன்ற சம்பவம் தற்போது தெலுங்கு சினிமாவிலும் நடந்துள்ளது. ஆந்திராவில் கடந்த 2019 முதல் 2024 ஆம் ஆண்டு வரை முதல்வர் ஜகன்மோகன் ரெட்டி தலைமையில் ஆட்சி நடந்தபோது மதுபான விற்பனையில் சுமார் 3500 கோடி ரூபாய் ஊழல் நடந்துள்ளது. இதனை கண்டறிந்து நடிகை ரம்பாவின் சகோதரர் வெங்கடேஸ்வர சீனிவாச ராவ் எஃப் ஐ ஆர் வழக்கு போட்டார்.
இவரோடு முகேஷ் குமார் என்று ஐஏஎஸ் அதிகாரிகள் பலரும் இந்த குழுவில் உள்ளனர். சில மாதங்களாக தீவிரமாக விசாரணை நடத்திய அதிகாரிகள் ஒய் எஸ் ஆர் காங்கிரஸ் தலைவர்கள், முன்னாள் அரசு அதிகாரிகள் உள்ளிட்ட 11 பேரை அதிரடியாக கைது செய்தனர். எதிர் பல முக்கிய பிரபலங்கள் சிக்கிய நிலையில் சமீபத்தில் வெங்கடேஷ் நாயுடு கட்டு கட்டாக பணத்தை தன் கட்டுப்பாட்டில் வைத்திருந்த வீடியோ வெளியாகி பரபரப்பை கிளப்பி இருந்தது. இப்படியான நிலையில் இந்த ஊழல் மோசடி வளையத்தில் நடிகை தமன்னாவின் பெயர் அடிப்படுகின்றது.
இந்த மோசடி பணத்தின் மூலமாக தமன்னா நடத்தி வரும் ஒயிட் அண்ட் கோல்ட் கம்பெனி கிட்டத்தட்ட 300 கிலோ தங்கம் வாங்கி உள்ளதாக தகவல் வெளியாகி உள்ளது. இதனை உறுதிப்படுத்தும் விதமாக வெங்கடேஷ் நாயுடு உடன் தனி விமானத்தில் தமன்னா சென்ற புகைப்படங்கள் வைரல் ஆகியது. இதனால் இந்த மோசடியில் நடிகை தமன்னாவுக்கு தொடர்பு இருக்கலாம் என்ற சந்தேகத்தில் அவருக்கு நோட்டீஸ் அனுப்பப்பட்டுள்ளதாகவும் கூறப்படுகிறது. இதில் மேலும் பல அரசியல் பிரபலங்கள் மற்றும் முக்கிய பிரபலங்கள் உட்பட திரை பிரபலங்களும் சிக்குவார்கள் என கூறப்படும் நிலையில் தெலுங்கு சினிமா வட்டாரத்தில் பரபரப்பு கிளப்பியுள்ளது.