ஜார்க்கண்ட் மாநிலம் தியோகரில் ஏற்பட்ட பயங்கர விபத்தில் 18 பேர் உயிரிழந்துள்ளார்கள். ஜார்கண்டில் அமைந்துள்ள ஜோதிர்லிங் வைத்தியநாத கோயிலுக்கு கோடிக்கணக்கான சிவ பக்தர்கள் செல்வது வழக்கம். அந்த வகையில் மோகன் பூர் காவல் நிலைய பகுதியில் உள்ள ஜமுனியா வனப்பகுதி அருகே அதிகாலை 4:30 மணி அளவில் பக்தர்களை ஏற்றிச் சென்ற பேருந்து எரிவாயு சிலிண்டர்களை ஏற்றி சென்ற லாரியோடு மோதியதில் பயங்கர விபத்து ஏற்பட்டுள்ளது .
இந்த பயங்கர விபத்தில் 18 பேர் உயிரிழந்ததாக கூறப்படுகிறது. மேலும் காயம் அடைந்தவர்களை மீட்டு அருகில் உள்ள மருத்துவமனைகளில் சேர்க்கப்பட்டுள்ளது. விபத்தில் பலர் காயம் அடைந்துள்ளார்கள். இதன் காரணமாக உயிரிழப்பு எண்ணிக்கை அதிகரிக்கும் என்றும் அஞ்சப்படுகிறது.