மருத்துவமனையில் இருந்த மனைவி.. பார்க்க வந்த கணவர்.. அடுத்து நடந்த பயங்கர சம்பவம்.. ஆடிப்போன மருத்துவர்கள்..!

கரூர் மாவட்டத்தை சேர்ந்த விஸ்ரூத் என்பவர் தனியார் டிரைவராக பணியாற்றி வருகின்றார். இவருக்கும் இவருடைய மனைவி ஸ்ருதிக்கும் நேற்று இரவு தகராறு ஏற்பட்ட நிலையில் ஒரு கட்டத்தில் தகராறு முற்றியதால் தாக்கப்பட்ட அந்த பெண் குளித்தலை அரசு மருத்துவமனையில் சிகிச்சைக்காக அனுமதிக்கப்பட்டார். இப்படியான நிலையில் இன்று காலை மனைவியை பார்க்க விஸ்ரூத் மருத்துவமனைக்கு வந்த போது தான் மறைத்து வைத்திருந்த கத்தியை எடுத்து மனைவியை குத்தி கொலை செய்தார்.

உடனே அங்கிருந்து அவர் தப்பிச் சென்ற நிலையில் இந்த சம்பவத்தை கண்ட மருத்துவர்கள் அதிர்ச்சி அடைந்தனர். இதனை தொடர்ந்து உடனே போலீசாருக்கு தகவல் தெரிவிக்கப்பட்ட நிலையில் சம்பவ இடத்திற்கு விரைந்த போலீசார் கொலை தொடர்பாக விசாரணை நடத்தி தப்பியோடிய நபரை தீவிரமாக தேடி வருகிறார்கள். கட்டிய மனைவியையே கணவர் கொடூரமாக கொலை செய்த சம்பவம் அதிர்ச்சியை ஏற்படுத்தியுள்ளது.