தேர்தலில் 210 தொகுதிகளில் வெற்றி பெறுவோம் என எடப்பாடி பழனிச்சாமி சொல்வதை மக்கள் தான் முடிவு எடுப்பார்கள் என்று துணை முதல்வர் உதயநிதி ஸ்டாலின் தெரிவித்துள்ளார். இது தொடர்பாக உதவி ஸ்டாலின் செய்தியாளர்களை சந்தித்து பேசியபோது, தேர்தல் சுற்றுப்பயணத்தை தொடங்கியுள்ள எதிர்க்கட்சித் தலைவர் எடப்பாடி பழனிச்சாமி தனது தேர்தல் பரப்புரையில் 210 தொகுதிகளில் வெற்றி பெறுவோம் என்று பேசி வருவது குறித்து கேள்வி எழுப்பப்பட்டது.
அதற்கு பதில் அளித்த உதயநிதி, அதற்காக நான் 220 தொகுதிகள் என்று சொல்ல வேண்டுமா. அவர்கள் அப்படிதான் சொல்வார்கள். ஆனால் அதனை மக்கள் தான் முடிவெடுப்பார்கள். நாங்கள் எங்கள் பணியை செய்து வருகிறோம். முதல்வர் மக்களை சந்தித்து வருகிறார். எதிர்க்கட்சித் தலைவர் அவர் பணியை செய்து வருகிறார் என்று உதயநிதி பதிலடி கொடுத்துள்ளார்.