தமிழகத்தில் 2026 ஆம் ஆண்டு சட்டமன்றத் தேர்தல் நடைபெற உள்ள நிலையில் அனைத்துக் கட்சிகளும் தீவிர அரசியல் பணிகளில் ஈடுபட்டு வருகின்றன. மீண்டும் எப்படியாவது ஆட்சியைப் பிடித்து விட வேண்டும் என்று திமுக ஒரு பக்கம் அதற்கான வேலைகளை செய்து கொண்டிருக்கும் நிலையில் மறுபக்கம் அதிமுக தலைமையில் தான் ஆட்சி அமைய வேண்டும் என்ற நிலைப்பாட்டில் எடப்பாடி பழனிச்சாமி உறுதியாக உள்ளார். அதற்காக இன்று முதல் தனது சுற்றுப்பயணத்தை இபிஎஸ் தொடங்கியுள்ளார்.
இப்படியான நிலையில் இந்திய ஜனநாயக கட்சி அதிமுகவுக்கு ஆதரவு தெரிவித்துள்ளது. கடந்த லோக்சபா தேர்தலில் பாஜகவுடன் இணைந்து பெரம்பலூரில் போட்டியிட்டார் கட்சி NDA இல் அதிமுக இணைந்த பிறகு தங்களது நிலைபாட்டை அறிவிக்காமல் மௌனம் காத்து வந்தது. இந்நிலையில் கோவையில் இபிஎஸ் நடத்தும் ரோடு சோவில் ஐஜேகேவினர் பங்கேற்பார்கள் என அதிகாரப்பூர்வமாக பாரிவேந்தர் தெரிவித்துள்ளார். இது கூட்டணிக்கு மேலும் வலு சேர்க்கும் விதமாக அமைந்துள்ளது.