பொதுவாகவே தமிழ் சின்னத்திரையில் சன் டிவியில் ஒளிபரப்பாக கூடிய சீரியல்களுக்கு தான் மக்கள் மத்தியில் அதிக வரவேற்பு இருக்கும். ஏனென்றால் காலகட்டத்திற்கு ஏற்றவாறு மக்களை கவரும் வகையில் புதுப்புது கதைக்களத்துடன் சீரியல்கள் சன் டிவியில் ஒளிபரப்பாகி வருகின்றன. ஒரு கட்டத்தில் சன் டிவிக்கு போட்டியாக விஜய் டிவி மற்றும் ஜீ தமிழ் ஆகிய சேனல்கள் போட்டி போட்டுக் கொண்டு சீரியலை களமிறக்கிய நிலையில் தற்போது டிஆர்பி ரேட்டிங்கில் சன் டிவிக்கு போட்டியாக விஜய் டிவியும் களமிறங்கியுள்ளது.
அதேசமயம் விஜய் டிவி பழைய சீரியல்களை விரைவில் முடிவுக்கு கொண்டு வந்து புதுப்புது சீரியல்களையும் தொடர்ந்து களம் இறக்கி வருகின்றது. அதன்படி விஜய் டிவியில் சமீபத்தில் பொன்னி சீரியல் முடிவுக்கு வந்த நிலையில் அந்த சீரியலை தொடர்ந்து இன்னும் சில சீரியல்களும் முடிவுக்கு வர உள்ளதாக கூறப்படுகிறது. இப்படியான நிலையில் விஜய் டிவி புதிய சீரியலை தொடங்க உள்ளது. அந்த சீரியலில் பிக் பாஸ் பிரபலம் அன்ஷிதா, தமிழும் சரஸ்வதியும் சீரியல் பிரபலம் தர்ஷனா, நீ நான் காதல் சீரியல் நடிகர் பிரேம் ஆகியோர் நடிக்க கமிட் ஆகியுள்ளனர். இந்த சீரியல் குறித்து அறிவிப்பு விரைவில் வெளியாகும் என தெரிகிறது.