விஜய் டிவியில் ஒளிபரப்பாகக்கூடிய நிகழ்ச்சிகளில் மக்களின் மனம் கவர்ந்த நிகழ்ச்சிகளில் டாப் இடத்தில் இருப்பது நீயா நானா தான். இந்த நிகழ்ச்சியை ஆரம்பத்தில் இருந்து கோபிநாத் தொகுத்து வழங்கி வரும் நிலையில் ஒவ்வொரு வாரமும் ஏதாவது ஒரு தலைப்பு கொண்டு விவாதம் நடைபெறும். அந்த தலைப்பு அனைத்துமே மக்களை கவரும் வகையில் இருப்பதால் இந்த நிகழ்ச்சிக்கு ஏராளமான ரசிகர்கள் கூட்டம் உள்ளது.
இப்படியான நிலையில் இந்த வாரம் ஒளிபரப்பாக உள்ள நீயா நானா நிகழ்ச்சியின் ப்ரோமோ காட்சி வெளியாகி ரசிகர்களின் கவனத்தை ஈர்த்துள்ளது. அதன்படி இந்த வாரம் சோகப்பாடல் ரசிகர்கள் மற்றும் பாடகர்கள் என்ற தலைப்பில் விவாதம் மேற்கொள்ளப்பட்டது. இதில் தங்களுக்கு பிடித்த பாடலை அண்ணன் நினைவாக பாடும்போது அரங்கத்தில் இருந்த அனைவரும் கண்ணீர் சிந்தியுள்ளனர். மேலும் கோபிநாத் தும் இளைஞர் பாடிய பாடலை கேட்டு மெய் மறந்து நின்றுள்ளார். அது தொடர்பான வீடியோ தற்போது இணையத்தில் வெளியாகி உள்ளது.