ஈபில் டவரை விட பிரமாண்டம்.. எது வந்தாலும் தாங்கும் திறன் கொண்ட செனாப் பாலத்தின் வியக்க வைக்கும் சிறப்புகள்..!

ஜம்மு காஷ்மீர் ரியாசி மாவட்டத்தில் செனாப் நதியின் குறுக்கே 359 மீட்டர் உயரத்தில் ஒரு வளைவான பாலம் ரயில்வேயால் கட்டி முடிக்கப்பட்டுள்ளது. இரும்பால் கட்டப்பட்டுள்ள இந்த பாலம் சுமார் 1315 மீட்டர் நீளமுடையது. இது உலகின் மிக உயரமான ரயில்வே பாலம் ஆகும். நில அதிர்வு மற்றும் பலத்த சூறைக்காற்று சூழலை தாங்கும் வகையில் இந்த பாலம் வடிவமைக்கப்பட்டுள்ளது. சுமார் 1400 கோடி செலவில் கட்டப்பட்ட செனாப் பாலம் உலகின் மிக உயரமான ரயில் மற்றும் வளைவுபாலமாகும். இது ஆற்று படுகையில் இருந்து 359 மீட்டர் உயரமும், ஈபில் கோபுரத்தை விட 35 மீட்டர் அதிக உயரமும் கொண்டது.

இது ரிட்டர் அளவுகோலில் எட்டு அளவு வரை நிலநடுக்கங்களை தாங்கும் திறன் கொண்டது எனவும் தெரிவிக்கப்பட்டுள்ளது. செனாய் நதியின் ஓட்டத்திற்கு இடையூறு ஏற்படாமல் கட்டுமானம் முடிக்கப்பட்டுள்ளது. 120 ஆண்டுகள் வரை நீடிக்க கூடியதாக இந்த ரயில் பாலம் வடிவமைக்கப்பட்டுள்ளது. மணிக்கு 100 கிலோ மீட்டர் வேகத்தில் ரயில்கள் பயணிக்க முடியும் திறனுடன் இந்த பாலம் அமைக்கப்பட்டுள்ளது. 8 ரைட்டர் அளவுகோல் வரையிலான பூகம்பங்களை தாங்கும். இந்த பாலத்திற்கு எந்த சேதாரமும் ஏற்படாது. 40 டன் டிஎன்டி வெடிப்பு தாங்கும் சக்தியும் கொண்டது. இந்த பாலத்தின் மீது ரயில்கள் செல்லும்போது சாகச பயணம் போல இருக்கும் என்றும் அதிகாரிகள் கூறுகின்றன.