விஜய் டிவியில் டிஆர்பி யில் முதலிடத்தில் ஒளிபரப்பாகிக் கொண்டிருக்கும் சீரியல் தான் சிறகடிக்க ஆசை. இந்த சீரியல் கிராமப்புறங்கள் மற்றும் நகர்ப்புறங்களில் அதிகமான ரசிகர்களை கவர்ந்து வருகிறது. மற்ற சீரியல்களுடன் ஒப்பிடும்போது சூப்பர் ஹிட் ஆக இந்தத் தொடர் ஓடிக்கொண்டிருக்கிறது. முத்து மற்றும் மீனாவை மையமாக வைத்து மிகவும் கலகலப்பாக ஒளிபரப்பாகி வரும் இந்த சீரியலுக்கு அதிகப்படியான ரசிகர்கள் உள்ளனர். நிறைய புதுமுகங்கள் மற்றும் சில பழைய நடிகர்களை வைத்து தொடங்கப்பட்ட இந்த சீரியல் தற்போது 500 எபிசோடுகளுக்கு மேல் கடந்து ஒளிபரப்பாகிக் கொண்டிருக்கிறது.
பாக்கியலட்சுமி உள்ளிட்ட மற்ற தொடர்கள் இந்த சீரியலின் ரேட்டிங்கை தொட முடியாத அளவுக்கு உச்சத்தில் உள்ளது. இந்த சீரியலில் ரோகிணியின் உண்மை முகம் குடும்பத்தில் இருக்கும் அனைவருக்கும் தெரிய விஜயா அவரை ஒரு அடிமைத்தனமாக நடத்தி வருகிறார். சில உண்மைகள் தெரிய வந்ததுமே இப்படி நடத்தும் குடும்பத்தினர் ரோகினிக்கு ஏற்கனவே திருமணம் ஆகி ஒரு குழந்தை இருப்பது தெரிய வந்தால் என்ன ஆகும் என்று நினைத்துக் கூட பார்க்க முடியவில்லை.
அந்த கதைக்களம் எப்போது வரும் என்று ரசிகர்கள் அனைவரும் காத்துக் கொண்டிருக்க சீரியல் தற்போது பரபரப்பான கதைகளத்துடன் ஒளிபரப்பாகி வருகிறது. இந்த சீரியலில் ஹீரோ முத்துவின் பாட்டியாக நடிகை ரேவதி நடித்து வருகின்றார். சிறகடிக்க ஆசை சீரியலில் அதிகம் பவர்ஃபுல்லான ரோல் இவருடையது தான். வில்லி மாமியார் விஜயாவை இவரைப் பார்த்தால் அடங்கிப் போவார். அப்படி ஒரு கதாபாத்திரத்தில் தான் ரேவதி நடித்துக் கொண்டிருக்கிறார்.
இந்த சீரியலில் நடித்து வருவதன் மூலம் ரேவதி பாட்டிக்கு சினிமாவில் நல்ல வாய்ப்புகள் தற்போது கிடைப்பதாக கூறப்படுகிறது. ஆனால் சினிமா ஒன்றும் இவருக்கு புதிது அல்ல. சினிமாவில் ஒரு காலத்தில் பிஸியாக நடித்து வந்துள்ளார். தனிப்பிறவி என்ற படத்தில் எம்ஜிஆருக்கு தங்கையாக இவர் நடித்துள்ளார். அது மட்டுமல்லாமல் ஒரு படத்தில் நடிகர் சிவகுமாரின் முதல் ஜோடியாகவும் இவர் நடித்துள்ளார். தனது இளம் வயதில் இருந்து தற்போது வரை 80 வயதாகும் இவர் வெள்ளித்திரை மற்றும் சின்னத்திரை என இரண்டிலும் கலக்கி வருகின்றார்