தமிழ் சினிமாவில் தற்போது முன்னணி நடிகராக கலக்கிக் கொண்டிருக்கும் அஜித் நடிப்பில் இறுதியாக விடாமுயற்சி திரைப்படம் வெளியான நிலையில் ரசிகர்கள் மத்தியில் கலவையான விமர்சனங்களை பெற்றது. சுமார் இரண்டு வருட இடைவேளைக்கு பிறகு ரசிகர்களை நீண்ட எதிர்பார்ப்புக்கு மத்தியில் இந்த திரைப்படம் வெளியான நிலையில் எதிர்பார்த்த அளவு வெற்றி பெறவில்லை. இதனைத் தொடர்ந்து ஆதி ரவிச்சந்திரன் இயக்கத்தில் அஜித் நடித்துள்ள திரைப்படம் தான் குட் பேட் அக்லி. அஜித்தின் தீவிர ரசிகரான ஆதித் ரவிச்சந்திரன் இந்த திரைப்படத்தை இயக்கியுள்ள நிலையில் ரசிகர்கள் மத்தியில் நீண்ட எதிர்பார்ப்பு நிலவி வருகிறது. இந்த திரைப்படம் வருகின்ற ஏப்ரல் பத்தாம் தேதி திரையரங்குகளில் ரிலீஸ் ஆக உள்ளது.
படக்குழு தரப்பிலிருந்து இதுவரை இரண்டு பாடல்கள், டீசர் மற்றும் ட்ரெய்லர் என அடுத்தடுத்து வெளியிடப்பட்டுள்ளது. இதில் இரண்டு பாடல்களிலும் விஜய் சீண்டும் பாடல் வரிகள் இடம் பெற்று இருந்தது. அதாவது ஓ ஜி சம்பவம் என பெயரிடப்பட்ட முதல் பாடலை ஜி.வி. பிரகாஷ் குமார் மற்றும் ஆதிக் ரவிச்சந்திரன் என இருவரும் இணைந்து பாடியுள்ளனர். இந்தப் பாடலில் துப்பாக்கி பீரங்கி மொத்தமா வந்தாலும் ஒத்த ஆளா சம்பவம் டா என்ற வரி இடம்பெற்று இருந்தது. இந்த வரிகள் விஜயை சீண்டதான் வைக்கப்பட்டுள்ளது என இணையவாசிகள் பலரும் கூறி வந்தனர். காரணம் துப்பாக்கி என்பது விஜயின் படமாகும்.
அடுத்ததாக அனிருத் பாடியிருந்த பாடலில் துப்பாக்கி வெற்றி வரும் சத்தம் எனக்கு தாலாட்டு பாட்டு, கத்தியை உரசும் போது வரும் சத்தம் மெலடி பீட்டு என்ற வரிகள் விஜயின் துப்பாக்கி மற்றும் கத்தி என இரண்டு படங்களையும் சீண்டுவதாக இருந்தது. இப்படியான நிலையில் குட் பேட் அக்லி படத்தில் விஜய் பேசும் டயலாக்கை அஜித் பேசியுள்ளதாக கூறப்படுகிறது. அதாவது படத்தின் இடைவெளி காட்சியில் அஜித் விஜயின் டயலாக் பேசுகிறாராம். அதாவது “வாட் ப்ரோ, ஐ எம் பேக்”என அஜித் இந்த வசனத்தை பேச உள்ளதாக கூறப்படுகிறது.
இந்த டயலாக்கை மிகவும் மாசான இடைவெளி காட்சியில் அஜித் பேசுவதால் அஜித் ரசிகர்களுக்கு தரமான தியேட்டர் எக்ஸ்பீரியன்ஸ் கொடுக்கும் என ரசிகர்கள் கூறுகிறார்கள். ஏற்கனவே பாடல்கள் மூலமாக விஜயை சீண்டுவதாக கூறப்பட்ட நிலையில் தற்போது அஜித் விஜய்யின் டயலாக் பேசியும் விஜய் மற்றும் விஜய் ரசிகர்களை வம்புக்கு இழுக்கிறாரா, விஜயை வம்புக்கு இழுக்கிறார் என்றால் அது விஜய் சினிமாவில் இருக்கும் போது இழுக்க வேண்டியது தானே, எதற்காக விஜய் அரசியலில் காலடி எடுத்து வைத்த பிறகு இப்படி பஞ்ச் டயலாக் பேசி வம்புக்கு இழுக்க வேண்டும் என கூறி வருகிறார்கள்.