தமிழ் சினிமாவில் முக்கியமான இயக்குனராகவும் நடிகராகவும் 30 ஆண்டுகளுக்கு மேலாக வரும் வருகிறார். அவர் தான் இயக்கி நடித்த புதிய பாதை என்ற வெற்றிப் படத்தின் மூலம் தமிழ் சினிமா உலகில் நுழைந்தார். அதற்கு முன்னர் இயக்குனர் பாக்யராஜிடம் உதவி இயக்குனராக பணியாற்றினார்.
புதிய பாதை படத்தில் அப்போது முன்னணி நடிகையாக இருந்த சீதாவைக் கதாநாயகியாக நடிக்க வைத்தார். அந்த படத்தின் உருவாக்கத்தின் போது இருவரும் காதலில் விழுந்தனர். ஆனால் இந்த காதலுக்கு சீதாவின் தந்தை எதிர்ப்பு தெரிவித்துள்ளார். அதனால் இருவரும் சந்தித்துக் கொள்ளவே முடியாத சூழலுக்கு ஆளாகியுள்ளனர்.
இதனால் அவரைக் கடத்திக்கொண்டு சென்றுதான் திருமணம் செய்துள்ளார் பார்த்திபன். அதன்பின்னர் நட்சத்திரத் தம்பதிகளாக வலம் வந்த பார்த்திபன் சீதா தம்பதிகளுக்கு இரண்டு குழந்தைகள் பிறந்தனர். ஒரு ஆண் குழந்தையை அவர்கள் தத்தெடுத்துக் கொண்டனர். ஆனால் ஒரு கட்டத்தில் பார்த்திபனும் சீதாவும் விவாகரத்து செய்து பிரிந்தனர். திருமணம் தன் வாழ்வில் தான் எடுத்த ஒரு மோசமான முடிவு என்று பின்னாளில் சீதா தெரிவித்துள்ளார்.
அதன் பிறகு தற்போது வரை இருவரும் சினிமாவில் பிஸியாகப் பணியாற்றி வருகிறார். பார்த்திபன் அடுத்தடுத்து தனது வித்தியாசமானக் கனவுகளுக்கு திரைவடிவம் கொடுத்து வருகிறார். இந்நிலையில் சமீபத்தில் பார்த்திபன் இதுவரைப் பகிர்ந்துகொள்ளாத தன்னுடைய தந்தையைப் பற்றி மனம் திறந்து பேசியுள்ளார்.
அதில் “நான் என் வாழ்க்கையில் சிகரெட் புகைத்ததே இல்லை. ஏனென்றால் என் அப்பாதான் அதற்குக் காரணம். அவர் கவர்னர் பீடி என்று ஒன்றைக் குடிப்பார். அதனால் அவர் புற்றுநோய் பாதித்து இறந்தார். அந்த பீடிக்கு ஏன் அப்படி ஒரு பெயர் வைத்தார்கள் என்று தெரியவில்லை. அதனால் நான் சிகரெட் குடித்ததே இல்லை. ஆனால் சினிமாவில் மட்டும் நான் சிகரெட் பிடிப்பது போன்ற காட்சிகளில் நடித்திருக்கிறேன்” எனக் கூறியுள்ளார்.