தமிழ் சினிமாவில் 80 மற்றும் 90களில் முன்னணி நடிகையாக திகழ்ந்தவர் தான் நடிகை வடிவுக்கரசி. தமிழ் மட்டுமல்லாமல் தெலுங்கு மற்றும் கன்னடம் என பழமொழி திரைப்படங்களில் நடித்துள்ளார். இதுவரை சுமார் 350 படங்களுக்கு மேல் நடித்துள்ள இவ்வாறு தற்போது தொலைக்காட்சி தொடர்களில் நடித்து வருகிறார். தமிழ் சினிமாவில் மிகசிறந்த குணசித்திர நடிகைகளில் ஒருவர் பாரதிராஜாவால் சிகப்பு ரோஜாக்கள் திரைப்படத்தில் அறிமுகப்படுத்தப்பட்டு அதன் பின்னர் மெல்ல மெல்ல மிக பிரபலமான நடிகையாக தமிழ் சினிமாவில் வளர்ந்து கொண்டிருந்தார். இவருடைய பெரியப்பா பிரபல இயக்குனர் ஏபி நாகராஜன். புராணக்கதை படங்களை இயக்கி புகழ்பெற்றவர்.
வடிவுக்கரசியின் தந்தை சினிமா வில் பைனான்ஸ் செய்து வந்த ஒரு பைனான்சியர். இதுபோன்ற சினிமா பின்னணி இருந்தாலும் வீட்டிற்கு தெரியாமல் சினிமாவில் நடித்து சம்பாதித்தவர். அதற்கு காரணம் பண்ணை வீட்டில் சௌகரியமாக வாழ்ந்த வடிவுக்கரசியின் குடும்பம் ஒருகாலகட்டத்தில் மிகப்பெரிய பொருளாதார நெருக்கடியில் சந்தித்து சென்னைக்கு இடம்பெயர்ந்து வரவேண்டிய சூழல். குடும்ப கஷ்டத்திற்காக துணிக்கடை உள்ளிட்ட கிடைத்த வேளைகளில் எல்லாம் செய்து வந்தார் வடிவுக்கரசி. தூர்தர்ஷனில் நாடகத்திலும் நடித்து வந்தார். கன்னிமாரா ஹோட்டலில் ஹவுஸ் கீப்பிங் பணியில் இருந்தபோதுதான் சிகப்பு ரோஜாக்கள் படவாய்ப்பு இவரை தேடிவந்தது. குடும்ப வறுமை, விவாகரத்து இதையெல்லாம் தாண்டி தமிழ் சினிமாவில் தனக்கென்று ஒரு தனி இடத்தை பிடித்து வைத்திருக்கிறார் வடிவுக்கரசி.
