தமிழ் சினிமாவில் முன்னணி நடிகராக வளர்ந்துள்ள அருண் விஜய் தற்போது பாலாவின் இயக்கத்தில் வணங்கான் என்ற திரைப்படத்தில் நடித்து முடித்துள்ளார். தமிழ் சினிமாவில் முன்னணி நடிகராக இருக்கும் அருண் விஜய் பல போராட்டங்களுக்கு பிறகு தான் இந்த இடத்தை அடைந்துள்ளார். 90களில் தமிழ் சினிமாவில் அறிமுகமான அருண் விஜய்க்கு அவர் எதிர்பார்த்த வெற்றி கிடைக்க சுமார் 20 வருடங்கள் ஆனது. இந்த 20 வருடங்களும் தன் விடாமுயற்சியை கைவிடாமல் அவர் தொடர்ந்து போராடி வந்தார். அந்தப் போராட்டத்திற்காக பயனை தான் தற்போது அருண் விஜய் அனுபவித்து வருகின்றார். கடந்த 2015 ஆம் ஆண்டு கௌதமேனன் இயக்கத்தில் அஜித் நடிப்பில் வெளியான என்னை அறிந்தால் திரைப்படத்தில் அருண் விஜய் வில்லனாக நடித்திருந்தார்.
இந்த திரைப்படம் தான் அவருக்கு சினிமா வாழ்க்கையில் மிகப்பெரிய திருப்புமுனையாக அமைந்தது. அதனை தொடர்ந்து குற்றம் 23, தடம் என அடுத்தடுத்து வெற்றி படங்களை கொடுத்து தமிழ் சினிமாவில் முன்னணி நடிகராக உயர்ந்தார். தற்போது தனுசுடன் இணைந்து இட்லி கடை மற்றும் ரெட்டை தல போன்ற பல படங்களில் நடித்து வரும் அருண் விஜயின் நடிப்பில் அடுத்ததாக வணங்கான் திரைப்படம் வெளியாக உள்ளது. பாலா மற்றும் அருண் விஜய் கூட்டணியில் உருவான இந்த திரைப்படம் பொங்கலுக்கு வெளியாக உள்ளது. இந்த நிலையில் அருண் விஜய் சமீபத்தில் அளித்த பேட்டியில் சினிமா குறித்து பல சுவாரஸ்யமான தகவல்களை பகிர்ந்து கொண்டார். அதில், நான் சினிமாவில் நடிக்கும் போது ஒவ்வொரு படத்திலும் ஒவ்வொரு அனுபவத்தை கற்றுக் கொண்டேன்.
சினிமாவை பொறுத்த வரையில் பொறுமை என்பது மிகவும் முக்கியம். நம்மை அல்லது நாம் நடிக்கும் படத்தை யாராவது குறை சொன்னால் அதில் இருக்கும் குறைகளை நாம் சரியாக அறிந்து கொள்ள வேண்டும். எந்த ஒரு இடத்திலும் பொறுமையை இழந்து விடக்கூடாது. ஒரு நடிகனாக தனக்கும் பல சவாலான கேரக்டர்கள் தேவைப்படுகிறது. நாம் சினிமா பின்னணியில் இருந்து வந்தவர்கள் என்று அனைவரும் கூறுவார்கள். ஆனால் அந்த அறிமுகம் மட்டுமே சினிமா பின்னணியாக இருக்கும். அதன் பிறகு நம்முடைய உழைப்பு இருந்தால் மட்டுமே ஜெயித்துக் காட்ட முடியும்.
என் தந்தை விஜயகுமார் நான் சினிமாவில் அறிமுகமான புதிதில் எந்த ஒரு உதவியும் எனக்கு செய்யவில்லை. அவர் செய்த நல்ல விஷயம் என்னவென்றால் எனக்கு வரும் கதைகளை என்னையே தேர்வு செய்து கொள்ள சொன்னார். உனக்கு என்ன தோணுதோ அதை பண்ணு உன் இஷ்டத்துக்கு எல்லாமே பண்ணிக்கோ என்று எல்லாமே என் விருப்பப்படி விட்டுட்டாரு. அப்போதிலிருந்து எல்லாமே கொஞ்சம் கொஞ்சமா நான் கத்துக்கிட்டேன். என்னுடைய உண்மையான பெயர் அருண் தான். சினிமாவுக்கு வரும்போது அருண் விஜய் என்று தன் அப்பா பெயரையும் சேர்த்துக்கொண்டு மாற்றி விட்டேன் என அருண் விஜய் சமீபத்தில் அளித்த பேட்டியில் பேசியுள்ளார்.