தமிழ் சினிமாவின் வளர்ந்து வரும் நடிகர்களில் ஒருவராக வலம் வருபவர் நடிகர் மிர்ச்சி சிவா. இவர் திரைப்படத்தில் நடிப்பதற்கு முன்பு ரேடியோ மிர்ச்சியில் வானொலி அறிவிப்பாளராக பணியாற்றினார். இவர் 2001ல் ஷாம் நடிப்பில் வெளியான 12B என்ற திரைப்படத்தின் மூலம் தமிழ் சினிமாவில் காலடி எடுத்து வைத்தார். இத்திரைப்படத்தை தொடர்ந்து விசில் திரைப்படத்தில் நடித்தார். எதிர்பார்த்த அளவிற்கு திரைப்பட வாய்ப்பு கிடைக்காததால் மீண்டும் தனது ரேடியோ ஜாக்கி வேலையையை தொடர்ந்தார் நடிகர் சிவா.
அதன் பிறகு இயக்குனர் வெங்கட் பிரபு இயக்கத்தில் ‘சென்னை 600028’ என்ற திரைப்படத்தின் மூலம் சிவாவுக்கு மக்கள் மத்தியில் நல்ல வரவேற்பு கிடைத்தது. இதை தொடர்ந்து சரோஜா திரைப்படத்தில் இவரின் நடிப்பு ரசிகர்கள் மத்தியில் வெகுவாக பாராட்டப்பட்டது. பின்னர் நடிகர் சிவா ‘தமிழ் படம்’ என்ற திரைப்படத்திலும் நடித்து அசத்தியிருந்தார். நடிகர் விமலுடன் இணைந்து சுந்தர் சி இயக்கத்தில் ‘கலகலப்பு’ திரைப்படத்தில் நடித்தார்.
இத்திரைப்படம் வசூல் ரீதியாக நல்ல வரவேற்பு பெற்றது. தற்போது எம்.எஸ் அர்ஜுன் இயக்கத்தில் உருவாகியுள்ள திரைப்படம் சூது கவ்வும்-2. இந்த படத்தில் ராதாரவி, எம்எஸ் பாஸ்கர், கருணாகரன், கராத்தே கார்த்தி, ரமேஷ் திலக், அருள்தாஸ் உள்ளிட்ட பலரும் நடித்துள்ளார்கள். இந்த படம் டிசம்பர் 13ஆம் தேதி வெளியாகிறது. இந்த படத்தின் சிங்கிள் ஆனது வரும் 13ம் தேதி ரிலீஸ் ஆகியுள்ள நிலையில் ட்ரைலர் மூன்றாம் தேதி ரிலீஸ் ஆகுது. இந்த படத்தின் ப்ரோமோஷன் பணிகளில் மிர்ச்சி சிவா, கருணாகரன் உள்ளிட்ட பலரும் ஈடுபட்டு வருகிறார்கள்.
இந்நிலையில் பேட்டி ஒன்றில் பேசிய மிர்ச்சி சிவா, சமீபகாலமாக இவரை இந்தியா கிரிக்கெட் அணியின் கேப்டன் ரோஹித் சர்மாவுடன் ஒப்பிட்டு பல மீம்ஸ்கள் ஷேர் செய்யப்பட்டு வருகிறது. இதற்கு காரணம் இரண்டு பெரும் ஒரே மாதிரி இருப்பதால் தான். இது குறித்து பேசிய மிர்ச்சி சிவா, நீங்க என்னதான் சொன்னாலும் நான் தோனி fan தான். எப்போவுமே நமக்கு CSK தான் என்று சிரித்துகொண்டே பேசியுள்ளார்.