பிக் பாஸ் சீசன் 8 நிகழ்ச்சி விறுவிறுப்பாக போய்க்கொண்டிருக்கிறது. விஜய் சேதுபதி போட்டியாளர்களிடம் டம்மியான டிராபியை கொடுத்து அதனை இறுதியில் கொண்டு வந்தால் ஒரிஜினல் டிராபி கிடைக்கும் என என கூறியுள்ளார்.
ரவீந்தர் சந்திரசேகர், சாட்சனா நமிதாஸ், தீபக், தர்ஷா குப்தா, சத்யா, கானா ஜெஃப்ரி, சுனிதா, ஆர் ஜே ஆனந்தி, ரஞ்சித், பவித்ரா, அன்சிகா, தர்ஷிகா, அருண் பிரசாத், விஜே விஷால், முத்துக்குமரன், சௌந்தர்யா, ஜாக்குலின், அர்ணவ் ஆகியோர் போட்டியாளராக பங்கேற்றுள்ளனர்.
இந்த முறை சரிசமமாக ஒன்பது பெண் போட்டியாளர்களும் 9 ஆண் போட்டியாளர்களும் வந்துள்ளனர். இந்த நிலையில் 24 மணி நேரத்தில் ஒரு நபர் எலிமினேட் செய்யப்பட உள்ளதாக பிக் பாஸ் அறிவித்தார். அதன் அடிப்படையில் மகாராஜா படத்தில் விஜய் சேதுபதியின் மகளாக நடித்த சச்சனா எலிமினேட் செய்யப்பட்டார்.
இந்த நிலையில் யாரும் எதிர்ப்பாராத நேரத்தில் மீண்டும் சச்சனா பிக் பாஸ் வீட்டிற்குள் என்ட்ரி கொடுத்துள்ளார். அவரை பார்த்த போட்டியாளர்கள் ஷாக்காகி விட்டனர். இதனை அடுத்து பேசிய சச்சனா வெளியே இருந்து நான் எல்லாத்தையும் பார்த்தேன். இதுல லீஸ்ட் கன்டென்ட் கொடுக்கிறது ரஞ்சித், சத்யா, விஷால் ஆகிய மூன்று பேரும் தான் என கூறியுள்ளார். அந்த வீடியோ சோசியல் மீடியாவில் வேகமாக பரவி வருகிறது.