தமிழ் சினிமாவில் 90களில் டீச்சர் என்றால் ரசிகர்களை நினைவுக்கு வருவது ரேகா தான். சத்யராஜ் நடிப்பில் வெளியான கடலோர கவிதைகள் என்ற திரைப்படத்தில் ஜெனிஃபர் டீச்சராக நடித்து தமிழ் சினிமாவில் அறிமுகமானார். காவலன் அவன் கோவலன் மற்றும் புன்னகை மன்னன் ஆகிய திரைப்படங்கள் மூலம் ரசிகர்களை வெகுவாக கவர்ந்தார். தற்போதும் தமிழ் சினிமாவில் அம்மா கதாபாத்திரத்தில் நடித்து வருகின்றார். இறுதியாக பியார் பிரேமா காதல் திரைப்படத்தில் ஹரிஷ் கல்யாண் அம்மாவாக நடித்திருந்தார். நடிகை ரேகா கடந்த 1996 ஆம் ஆண்டு ஜார்ஜ் என்ற தொழிலதிபரை திருமணம் செய்து கொண்ட நிலையில் திருமணத்திற்கு பிறகு இந்த தம்பதிகளுக்கு அழகான பெண் குழந்தையும் பிறந்தது.
தற்போது சினிமாவை விட்டு விலகி இருந்தாலும் ரேகா ஒரு சில திரைப்படங்களில் நடித்து வருகின்றார். இந்த நிலையில் ரேகா சமீபத்தில் அளித்த youtube பேட்டியில் ரஜினி பற்றி பல சுவாரசியமான தகவல்களை பகிர்ந்து கொண்டார். அதில், ரஜினியுடன் ஒரு படத்தில் கூட ஹீரோயினியாக நடிக்கவில்லையே என்ற வருத்தம் இன்னும் எனக்குள் இருக்கு. அதுவும் அவருடைய தற்போதைய படங்களை பார்க்கும் போது ஏதாவது ஒரு கதாபாத்திரத்தில் ஆவது அவருடன் நடித்தாக வேண்டும் என்ற ஏக்கம் இன்றும் உள்ளது.
ஆனால் ஒருமுறை அவருடன் பேசிய போது சில நாட்களிலேயே அவருடைய காதல் முதல் திருமணம் வரை வாழ்க்கை பற்றிய அனைத்தும் என்னிடம் கூறிவிட்டார். அதே சமயம் என்னுடன் பேசிக் கொண்டிருக்கும்போது, ரேகா நீங்க சினிமாவுல இருக்க வேண்டிய ஆளே இல்ல, ரொம்ப இன்னசென்ட் என்று பேசினார். உடனே நான், ஏன் சார் எனக்கு தகுதி இல்லையான்னு கேட்டேன். இல்லம்மா நான் அப்படி சொல்ல வரல உன்னோட கேரக்டர் வேற மாதிரி இருக்கு நீ சினிமாவுல இருக்க வேண்டிய ஒரு கேரக்டரே இல்ல, ரொம்ப நல்ல பொண்ணு இன்னசென்ட்டா இருக்க என்று கூறினார். ரஜினி எப்பவுமே கிரேட் தான் என்று ரேகா பேசியுள்ளார்.