த.செ ஞானவேல் இயக்கத்தில் சூப்பர் ஸ்டார் ரஜினிகாந்த் நடித்த வேட்டை திரைப்படம் பத்தாம் தேதி பிரம்மாண்டமாக ரிலீசாக உள்ளது. இந்த படத்தில் அமிதாப்பச்சன், பகத் பாஸில், மஞ்சு வாரியர் ஆகியோர் முக்கிய கதாபாத்திரத்தில் நடித்துள்ளனர். வேட்டையன் திரைப்படத்திற்கு அனிருத் இசை அமைத்துள்ளார்.
சூப்பர் ஸ்டார் ரஜினிகாந்த் நடித்த தர்பார், லால் சலாம் ஆகிய திரைப்படங்கள் தோல்வியை சந்தித்தது. முக்கியமாக ரஜினிகாந்த் நடித்த தர்பார் எதிர்பார்த்த அளவு வெற்றி பெறவில்லை. அந்த படத்தை தயாரித்தது லைக்கா நிறுவனம். தர்பார் திரைப்படத்தால் நஷ்டம் அடைந்த விநியோகஸ்தர்கள் லைக்கா நிறுவனத்திடம் நஷ்டமான பணத்தை கேட்டுள்ளனர். அப்போது அடுத்த படம் பண்ணும் போது நிச்சயமாக திருப்பி தருகிறோம் என லைகா நிறுவனம் சார்பில் கூறியதாக தெரிகிறது.
இந்த நிலையில் வேட்டையன் திரைப்படம் ரிலீஸ் ஆக உள்ளதால் விநியோகஸ்தர்கள் எங்களுக்கு தரவேண்டிய பணத்தை வட்டியுடன் திருப்பி கொடுக்க வேண்டும் என கேட்க முடிவெடுத்ததாக தெரிகிறது. நாளை இது தொடர்பாக பிரஸ்மீட் வைக்கவும் வாய்ப்பு உள்ளதாம். இதுபோன்ற பிரச்சனைகள் வழக்கமாக படம் ரிலீஸ் ஆனதற்கு பின்பு தான் வரும். ஆனால் வேட்டையன் படம் ரிலீஸ் ஆவதற்கு முன்னரே விநியோகஸ்தர்கள் பணத்தை கேட்க முடிவெடுத்ததாக தெரிகிறது.
முன்னதாகவே சூப்பர் ஸ்டார் ரஜினிகாந்த் படத்தில் நடித்த ஒப்புக்கொண்ட போது என்னுடைய பிரச்சினைகள் எல்லாம் நீங்க பாத்துக்கணும். அப்புறம் படம் ஓடவில்லை என்று என் வீட்டு வாசல்ல வந்து நிக்கக்கூடாது என கறாராக சொல்லிவிட்டாராம். வேட்டையன் திரைப்படத்தை தமிழகம் முழுவதும் ரெட் ஜெயன்ட் நிறுவனம் தான் ரிலீஸ் செய்கிறது. இதனால் நாளை இது தொடர்பான விவாதம் நடைபெறுமா என்பது தெரியவில்லை. இந்த தகவலை வலைப்பேச்சு யூடியூப் சேனலில் கூறியுள்ளனர்.