எஸ் ஜே சூர்யா ஹீரோவாகனும்னு சொன்னதும் நாங்க இதான் சொன்னோம்… நடிகர் ரவி மரியா பகிர்ந்த தகவல்!

இன்றைய தேதிக்கு தமிழ் சினிமாவின் மோஸ்ட் வாண்டட் வில்லன் நடிகராக வலம் வருகிறார் எஸ் ஜே சூர்யா. அவர் வில்லனாக நடித்த மாநாடு, மார்க் ஆண்டனி உள்ளிட்ட படங்களின் அவரின் மிரட்டலான நடிப்புக்காகவே பாராட்டப்பட்டன. இதையடுத்து இப்போது தமிழ் மற்றும் தெலுங்கில் முன்னணி நடிகர்களின் படங்களில் வில்லனாக அடுத்தடுத்து கமிட்டாகி வருகிறார்.

தமிழ் சினிமாவில் நடிகராக வேண்டும் என்ற ஆசையோடு வந்த எஸ் ஜே சூர்யா முதலில் பாரதிராஜா மற்றும் இயக்குனர் வசந்த் ஆகியோரிடம் உதவி இயக்குனராக பணியாற்றினார். அஜித் ஆசை படத்தில் நடிக்கும் அதில் உதவி இயக்குனராக பணியாற்றிய எஸ் ஜே சூர்யாவின் அர்ப்பணிப்பை பார்த்துவிட்டு அவருக்கு தன்னுடைய படத்தை இயக்கும் வாய்ப்பைக் கொடுத்துள்ளார்.

SJ Suryah directing kushi movie

   

இயக்குனர் ஆவதற்கு முன்பு எஸ் ஜே சூர்யா பாரதிராஜா, ஜி எம் குமார், வசந்த் மற்றும் லிவிங்ஸ்டன் ஆகியோரிடம் உதவி இயக்குனராக வேலை செய்துள்ளார். அதன் பின்னர் வாலி படத்தை இயக்கி அஜித்துக்கு ஒரு சூப்பர் ஹிட்டைக் கொடுத்தார். அந்த படம் அவருக்கும் திருப்புமுனையாக அமைந்தது. அந்த படம் முடிந்ததுமே விஜய்யை வைத்து குஷி திரைப்படத்தை இயக்கும் வாய்ப்பைப் பெற்றார். அந்த படம் ஹிட்டானதால் இந்தி மற்றும் தெலுங்கில் ரீமேக் செய்தார்.

இதையடுத்து அவர் இயக்கிய நியூ படத்தில் தானே நடிக்க வேண்டும் எனமுடிவு செய்து அனைவரிடம் சொல்லியுள்ளார். அப்போது தங்களின் ரியாக்‌ஷன் எப்படி இருந்தது என்பது சம்மந்தமாக அவரின் அப்போதைய உதவி இயக்குனரும், தற்போது நடிகராக இருப்பவருமான ரவி மரியா ஒரு நேர்காணலில் கூறியுள்ளார்.

SJ suryah

அதில் “அவர் வந்து எங்களிடம் ஹீரோவாக ஆகவேண்டுமென சொன்னபோது எங்களுக்குப் பெரிய அதிர்ச்சியெல்லாம் இல்லை. ஏனென்றால் நியூ படக்கதை ஒரு ஹீரோ பண்ணவேண்டிய கதை இல்லை. அது ஒரு புதுமுகம் பண்ணினால்தான் நல்லா இருக்கும். அதனால் நாங்கள் எல்லோரும் அதற்கு சம்மதம் சொன்னோம். நாங்கள் நினைத்தது போலவே தெலுங்கில் அந்த படம் மகேஷ்பாபு நடித்ததால் ஓடவில்லை. ஆனால் தமிழில் சூப்பர் ஹிட்” எனக் கூறியுள்ளார்.