தமிழ் சினிமாவில் சுமார் 20 வருடங்களுக்கும் மேலாக முன்னணி நடிகையாக வலம் வந்து கொண்டிருப்பவர் தான் நடிகை திரிஷா. 40 வயதிலும் இளமை குறையாமல் இன்னும் 18 வயது போல காட்சியளிக்கிறார். தமிழ் சினிமாவின் முன்னணி நடிகர்களான விஜய், அஜித், ரஜினி, கமல் உள்ளிட்ட அனைத்து நடிகர்களுடனும் இவர் ஜோடி போட்டு நடித்துள்ளார்.
தற்போது மீண்டும் பிஸியாக திரைப்படங்களில் நடித்து வரும் திரிஷா ஏராளமான திரைப்படங்களை கைவசம் வைத்துள்ளார். விஜயுடன் லியோ திரைப்படத்தில் நடித்த பின்னர் தற்போது அஜித்துடன் விடாமுயற்சி திரைப்படத்திலும் நடித்து வருகிறார். தெலுங்கு சினிமாவில் திரிஷா தற்போது முன்னணி நடிகர் சிரஞ்சீவியுடன் விஸ்வாம்பரா என்ற திரைப்படத்தில் நடித்து வருகின்றார்.
இந்த படத்தின் சூட்டிங் சமயத்தில் திரிஷாவுக்கு சிரஞ்சீவியின் வீட்டிலிருந்து தினமும் சாப்பாடு அனுப்பப்படுவதாக கூறப்படுகிறது. இது குறித்த ஒரு புகைப்படத்தையும் திரிஷா பதிவிட்டு தனக்கு மெகா ஸ்டார் சிரஞ்சீவி தான் வீட்டிலிருந்து உணவு அனுப்புகிறார் என்று கூறி புகைப்படத்தை திரிஷா வெளியிட்டுள்ளார். தற்போது அந்த புகைப்படங்கள் இணையத்தில் வைரலாகி வருகிறது.
