உலகம் முழுவதும் கோடிக்கணக்கான பயனர்கள் இன்ஸ்டாகிராம் செயலியை பயன்படுத்தி வருகிறார்கள். தற்போது இளம் தலைமுறையினர் அதிகம் பயன்படுத்தும் சமூக வலைத்தளங்களில் இதுவும் ஒன்று. இதிலிருந்த ஒரு அம்சம் ஒரே நேரத்தில் 10 புகைப்படங்கள் அல்லது வீடியோக்களை பயனர்களால் பகிர முடியும். ஆனால் தற்போது பயனர்களைக் கவரும் விதமாக புதிய அப்டேட் ஒன்று வெளியிடப்பட்டுள்ளது.
அதாவது தற்போதைய புதிய அப்டேட் மூலமாக 10- லிருந்து 20 புகைப்படங்கள் அல்லது வீடியோக்களை இனி பகிரலாம் என தெரிவிக்கப்பட்டுள்ளது. உலகம் முழுவதும் இந்த புதிய அம்சம் இன்ஸ்டாகிராமில் அறிமுகமாக உள்ளதாக மெட்டா நிறுவனம் தெரிவித்துள்ளது. இந்த செய்தி இன்ஸ்டாகிராம் பயனர்கள் மத்தியில் மகிழ்ச்சியை ஏற்படுத்தியுள்ளது.