தமிழ் சினிமாவில் நடிகர், இயக்குனர், திரைப்பட தயாரிப்பாளர் என பன்முக திறமை கொண்டவர் எஸ்.ஜே சூர்யா. இவர் வாலி திரைப்படம் மூலம் இயக்குனராக திரையுலகில் தனது பயணத்தை ஆரம்பித்தார். அந்த படம் சூப்பர் ஹிட் ஆனது. அடுத்து தமிழ், தெலுங்கு மொழிகளிலும் குஷி படத்தை இயக்கினார்.
அந்த படமும் சூப்பர் ஹிட் ஆனது. ஹிந்தியில் எடுக்கப்பட்ட குஷி படம் எதிர்பார்த்த அளவு வெற்றி பெறவில்லை. அன்பே ஆருயிரே, வியாபாரி, கள்வனின் காதலி, நண்பன், இசை, ஸ்பைடர், இறைவி, உள்ளிட்ட படங்களில் எஸ்.ஜே சூர்யா நடித்துள்ளார். நீண்ட இடைவெளிக்கு பிறகு கடந்த 2017-ஆம் ஆண்டு விஜய் நடிப்பில் ரிலீசான மெர்சல் படத்தில் வில்லனாக நடித்து அசத்தினார்.
ஹீரோவாக மட்டுமில்லாமல் வில்லனாகவும் தனது மிரட்டாலான நடிப்பை வெளிப்படுத்தினார். மார்க் ஆண்டனி ஜிகர்தண்டா டபுள் எக்ஸ் ஆகிய படங்கள் எஸ்.ஜே சூர்யாவின் மார்க்கெட்டை அடுத்த படிக்கு கொண்டு சென்றது. இந்த நிலையில் பிரம்மாண்ட இயக்குனர் சங்கர் இயக்கத்தில் இந்தியன் 2 படம் உருவாகியுள்ளது.
இந்த படத்தில் கமல், சித்தார்த், எஸ்.ஜே சூர்யா உள்ளிட்டார் முக்கிய கதாபாத்திரத்தில் நடித்துள்ளனர். ஜூலை 12ஆம் தேதி இந்தியன் 2 படம் ரிலீஸ் ஆக உள்ளது. சமீபத்தில் எஸ்.ஜே சூர்யா அளித்த பேட்டியில் கூறியதாவது, கேம் சேஞ்சர் படத்தில் நான் நடித்தேன். அதில் ஒரு சீனை சங்கர் சார் பார்த்துள்ளார். அதிலிருந்து எனது நடிப்பு அவருக்கு பிடித்து போய்விட்டது. அதனால் தான் இந்தியன் 2 படத்தில் நடிப்பதற்கு எனக்கு வாய்ப்பு கொடுத்தார் என கூறியுள்ளார்.
