அல்லு அர்ஜுன் நடிப்பில் கடந்த 2021-ஆம் ஆண்டு புஷ்பா தி ரைஸ் திரைப்படம் ரிலீஸ் ஆனது இந்த படத்தில் ராஷ்மிகா மந்தனா, சுனில், பகத் பாசில் உள்ளிட்டார் நடித்தனர். புஷ்பா படத்தை மைத்ரி மூவி மேக்கர்ஸ் நிறுவனம் தயாரித்தது. தேவி ஸ்ரீ பிரசாத் இசையமைத்தார். புஷ்பா படம் மக்களிடைய நல்ல வரவேற்பை பெற்று 400 கோடி வரை வசூல் செய்து சாதனை படைத்தது.
புஷ்பா படத்தின் இரண்டாவது பாகம் தற்போது எடுக்கப்படுகிறது. இதற்கு புஷ்பா 2 தி ரூல் டைட்டில் வைக்கப்பட்டிருக்கிறது. வருகிற ஆகஸ்ட் மாதம் 15-ஆம் தேதி படம் ரிலீஸ் ஆகும் என எதிர்பார்க்கப்படுகிறது. புஷ்பா படத்தில் இடம்பெற்ற ஒரு பாடலுக்கு சமந்தா நடனம் ஆடினார் அந்த பாடல் சூப்பர் ஹிட் ஆனது.
யூடியூப் இன்ஸ்டாகிராம் என எந்த சோசியல் மீடியாவை பார்த்தாலும் அந்த பாட்டு தான் ஒலித்தது. இந்த நிலையில் புஷ்பா படத்தின் இரண்டாவது பாகத்தில் சமந்தா நடனம் ஆடவில்லையாம். அவருக்கு பதிலாக வேறொரு நடிகை நடனமாடுவார் என தகவல் வெளியானது. அது யாராக இருக்கும் என ரசிகர்கள் காத்துக் கொண்டிருந்தனர்.
அந்த வகையில் அனிமல் படத்தின் மூலம் நடிகை ட்ரிப்டி டிம்ரி பிரபலமானார். இவர்தான் சமந்தாவுக்கு பதிலாக புஷ்பா படத்தின் இரண்டாவது பாகத்தில் ஒரு குத்துப் பாடலுக்கு நடனமாட உள்ளாராம். அந்த பாடல் ஷூட்டிங் இனிமேல் தான் நடக்க உள்ளது. சமந்தா அளவுக்கு இவர் நடனம் ஆடுவாரா என்பதை பொறுத்திருந்துதான் பார்க்க வேண்டும். இதனால் ரசிகர்கள் மிகுந்த எதிர்பார்ப்பில் உள்ளனர்.