தமிழ் சினிமாவில் சின்னத்திரை நடிகராக தனது சினிமா வாழ்க்கையை தொடங்கிய ரியோவுக்கு ஜோ திரைப்படம் நல்ல வரவேற்பு கொடுத்துள்ளது. இப்படத்தின் வெற்றிக்கு பிறகு ரியோ ராஜிக்கு தொடர்ந்து பட வாய்ப்புகள் வந்த வண்ணம் இருக்கின்றது. இந்நிலையில் தற்போது புதிய திரைப்படம் ஒன்றில் நடிக்க இருக்கின்றார் ரியோ.
பிளாக் ஷீப் நிறுவனத்தின் இணை தயாரிப்பில் உருவான திரைப்படம் ஜோ இந்த திரைப்படத்தில் ரியோக்கு ஜோடியாக மாளவிகா மனோஜ் நடித்திருந்தனர். இந்த திரைப்படம் மிகவும் நல்ல வரவேற்பை பெற்றிருந்தது. இந்நிலையில் தற்போது ட்ரம்ஸ்டிக் புரொடக்ஷன் நிறுவனம் சார்பாக மணிகண்டன் கந்தசாமி மேற்பார்வையில் அறிமுக இயக்குனர் பிளாக் ஷிப் கலையரசன் தங்கவேல் இயக்கத்தில் ஒரு திரைப்படம் உருவாக உள்ளது.
இந்த திரைப்படத்தில் ஜோ ஜோடிகள் மீண்டும் இணைய உள்ளன .நேற்று தொடங்கிய படப்பிடிப்பு தொடர்பான புகைப்படங்கள் இணையத்தில் வெளியாகி வைரலானது. இரண்டு மாதத்தில் இப்படத்தின் படப்பிடிப்பு முடிவடைந்து இந்த வருடத்தின் பிற்பகுதியில் வெளியாகும் என்று கூறப்படுகின்றது. திருமணமான ஆண்களின் பிரச்சனைகளை சொல்லும் திரைப்படமாக இந்த திரைப்படம் இருக்கும் என்று இயக்குனர் கலையரசன் தங்கவேல் தெரிவித்து இருக்கின்றார்.
