CINEMA
தேர்வுக்கு படிக்காமல் இன்ஸ்டாகிராமில் கோரிக்கை வைத்த தீவிர ரசிகைகள்… நேரடியாக கமெண்டில் பதிலளித்த விஜய் தேவர்கொண்டா…
கோலிவுட்டில் மிகவும் பிரபலமான நடிகராக திகழ்ந்து கொண்டிருப்பவர் விஜய் தேவரகொண்டா. இவர் 2011 ஆம் ஆண்டு தெலுங்கில் வெளியான நுவ்விலா என்ற திரைப்படத்தின் மூலம் சினிமா உலகிற்கு அறிமுகமானார். இருந்தாலும் அவருக்கு வெற்றி வாய்ப்பை தேடிக் கொடுத்த படம் அர்ஜுன் ரெட்டி. இதன் தொடர்ச்சியாக இவரின் நடிப்பில் வெளியான கீதா கோவிந்தம் திரைப்படம் ரசிகர்கள் மத்தியில் நல்ல வரவேற்பை பெற்றதால் தென்னிந்திய முழுவதும் பிரபலமானார்.
இதைத்தொடர்ந்து நடிகை சமந்தாவுடன் இவர் இணைந்து நடித்த குஷி திரைப்படமும் வேற லெவலில் ஹிட் அடித்தது. தற்பொழுதும் பல்வேறு திரைப்படங்களில் கமிட்டாகி பிசியாக நடித்து வருகிறார். இந்நிலையில் இவரின் இளம் ரசிகைகள் இருவரும் ஒன்று சேர்ந்து வீடியோ ஒன்றை வெளியிட்டு விஜய் தேவர் கொண்டாவுக்கு கோரிக்கை ஒன்றை வைத்துள்ளனர்.
அதை ஏற்றுக்கொண்டு வாக்குறுதியும் கொடுத்துள்ளார் நடிகர் விஜய் தேவர்கொண்டா. அந்த வீடியோவில் மாணவிகளில் ஒருவர் தனது சக தோழிக்கு முத்தம் கொடுத்து வீடியோவை பதிவு செய்து, ‘விஜய் தேவர் கொண்டா இந்த வீடியோவுக்கு கமெண்ட் செய்தால் தான் நாங்கள் தேர்வுக்கு படிப்போம்’ என்று கூறியுள்ளார்.
இதற்கு கமெண்ட் செய்த விஜய் தேவர்கொண்டா ‘தேர்வில் 90% மதிப்பெண் எடுத்தால், நான் கண்டிப்பாக உங்களை சந்திக்கிறேன்’ என்று வாக்குறுதி கொடுத்துள்ளார். இதை பார்த்த நெடிசன்கள் பலரும் இந்த பெண்களின் செயலுக்கு கடுமையான கண்டனத்தை தெரிவித்து வருகிறார்கள்.
