![surya - Tamizhanmedia.net Surya](https://tamizhanmedia.net/wp-content/uploads/2024/01/surya.jpg)
CINEMA
காஜல், அனுஷ்கா, தமன்னாவைத் தொடர்ந்து அண்ணன்-தம்பிக்கு ஹீரோயினாகப் போகும் அதிதி ஷங்கர்
தமிழ் சினிமாவில் சூர்யா-கார்த்தி ஆகிய இருவருக்குமே ஜோடியாக நடித்த நடிகைகள் அனுஷ்கா மற்றும் காஜல் அகர்வால். இதில் சூர்யாவுடன் அனுஷ்கா சிங்கம் படத்திலும், கார்த்தியுடன் அலெக்ஸ் பாண்டியன் படத்திலும் நடித்தார். அதேபோல் காஜல் அகர்வால் சூர்யாவுடன் மாற்றான் படத்திலும், கார்த்திக்கு ஆல்இன்ஆல் அழகுராஜா படத்திலும் ஹீரோயினாக நடித்தார். மேலும் தமன்னா அயன் படத்தில் சூர்யாவுக்கும், பையா படத்தில் கார்த்திக்கும் ஹீரோயினாக நடித்தார். மேலும் இந்த வரிசையில் சாயிஷா, ரகுல் பிரீத்திசிங் ஆகியோரும் அடங்குவர்.
தற்போது இதோபோல் நடிகை அதிதிஷங்கரும் இணைய உள்ளார். டைரக்டர் ஷங்கரோ தனது மகளை டாக்டருக்குப் படிக்க வைத்து விட்டு மருத்துவர் ஆவார் என்று எண்ணிக் கொண்டிருக்கையில் திடீரென சினிமா பக்கம் திரும்பினார் அதிதி. அவர் தனது முதல்படமான விருமனில் கிராமத்துப் பெண்ணாக நடித்து ரசிகர்களின் மனதைக் கவர்ந்தார். முத்தையா இயக்கிய இப்படத்தினை சூர்யாவின் 2D நிறுவனம் தயாரித்திருந்தது. யுவனின் இசையில் அமைந்த இப்படத்தில் பாடல் ஒன்றையும் பாடியிருந்தார் அதிதி.
விருமன் பட வெற்றிக்குப் பின் மீண்டும் சிவகார்த்திகேயன் ஜோடியாக மாவீரன் படத்தில் நடித்தார். இப்படத்திலும் ஒரு பாடலைப் பாடியிருந்தார். பின் சக்தி மசாலா உள்ளிட்ட விளம்பரப் படங்களில் பாடியும், நடித்தும் இருந்தார்.
தற்போது அதர்வாவின் சகோதரர் நடிப்பில் விஷ்ணுவர்தன் இயக்கத்தில் உருவாகி வரும் படம் ஒன்றில் நாயகியாக நடித்து வரும் அதிதி ஷங்கர் அதன் பிறகு சூர்யாவுடன் இணையவுள்ளார்.தற்போது சூர்யா கங்குவா, வாடிவாசல் ஆகிய படங்களில் நடித்து வருகிறார். இதன்பின் சுதா கொங்கரா இயக்கும் புறநானூறு படத்தில் சூர்யாவுக்கு ஜோடியாக அதிதி ஷங்கர் நடிக்கப் போகிறார் என்ற தகவல் வெளியாகி உள்ளது.
மேலும் சூரரைப் போற்று வெற்றிக்குப் பின் மீண்டும் சூர்யா, சுதா கொங்கரா, ஜி.வி.பிரகாஷ் இணையும் இந்தக் கூட்டணியில் தற்போது அதிதி ஷங்கரும் இணைந்துள்ள இப்படத்தில் துல்கர் சல்மான், விஜய் வர்மா ஆகியோரும் நடிக்கிறார்கள். பீரியட் படமாக உருவாகும் புறநானூறு சூரரைப் போற்று படம் போன்று வலுவான திரைக்கதை கொண்டதாக இருக்கும் என எதிர்பார்க்கப்படுகிறது.