நடிகர் விஜய்சேதுபதி. துணை கதாபாத்திரத்தில் நடித்து மெது மெதுவாக ஹீரோவாக உயர்ந்தவர். இப்போதும் பல ஹீரோக்கள், ஹீரோவாக மட்டுமே நடிப்பேன் என தங்களுக்கு ஒரு வரைமுறை வைத்திருக்கக் கூடிய நிலையில், தனக்கென்று வரக் கூடிய அனைத்து கதாபாத்திரங்களையும் தைரியமாக ஏற்று நடித்து வருகிறார். குறிப்பாக வில்லன் வேடத்தில். வில்லனாக இருந்து ஹீரோவாக மாறிய ரஜினி, சத்தியராஜ் போன்றோரை தமிழ் சினிமா கண்டிருக்கிறது. ஆனால் ஹீரோவாக இருக்கும் போதே பெரிய ஹீரோக்களுக்கு வில்லனாகவும் நடித்து அதிலும் கலக்கி வருகிறார் விஜய்சேதுபதி.
#image_title
அதன்படி, முதன் முதலாக விக்ரம்-வேதா இப்படத்தில் முழு வில்லன் என்று சித்தரிக்கப்படாவிட்டாலும், எதிர்மறையான கேரக்டரில் நடித்திருந்தார். அடுத்து விஜய்யுடன் மாஸ்டர் திரைப்படத்தில் வில்லனாக மிரட்டினார். அதனை தொடந்து பாலிவுட்டிலும் கால் பதிக்கத் தொடங்கினார். பாலிவுட் சீரிஸான ஃபர்ஸி, அதனை தொடர்ந்து ஷாருக்கான் நடிப்பில் உருவாகி இருந்த ஜவான் படத்திலும் வில்லனாக நடித்திருந்தார் விஜய்சேதுபதி.
#image_title
அட்லீ இயக்கத்தில் உருவான இப்படம் கடந்த ஆண்டு செப்டம்பர் மாதம் பான் இந்தியா படமாக வெளியாகி ஆயிரம் கோடி ரூபாயை வசூல் செய்தது. இப்படத்தில் வில்லனாக நடிக்க விஜய் சேதுபதிக்கு 21 கோடி ரூபாய் சம்பளம் கொடுக்கப்பட்டதாக கூறப்படுகிறது. 2023-ம் ஆண்டில் ஒரு வில்லனுக்கு கொடுக்கப்பட அதிக சம்பளம் என்றால் அது ஜவான் படத்தில் விஜய் சேதுபதிக்காகத் தான். இதற்கு முன்பு ஷாருக்கான் நடிப்பில் வெளியான பதான் படத்தில் வில்லனாக நடித்த ஜான் அப்ரஹாம்மிற்கே 20 கோடி ரூபாய் சம்பளம் தான் கொடுக்கப்பட்டது என்பது குறிப்பிடத்தக்கது.
#image_title