நடிகர் ரஜினிகாந்த் தனது 73வது பிறந்த நாளை நேற்று முன்தினம் ( 12ம் தேதி) கொண்டாடினார். அவரது பிறந்த நாளை முன்னிட்டு தசெ ஞானவேல் ராஜா இயக்கும் ரஜினி 170 படத்தின் டைட்டில் மற்றும் டீசர் வெளியானது. படத்தின் பெயர் வேட்டையன். இதைப் பார்த்த ரசிகர்கள் உற்சாகத்தில் துள்ளிக் குதித்தனர். அதற்கு காரணம், ஏற்கனவே சந்திரமுகி படத்தின் வேட்டையன் ராஜாவாக வந்து ரஜினி லகலகலக என டயலாக் பேசி அசத்தியிருப்பார். அதன் படத்தின் பெயரே செம மாஸ் என்று ரசிகர்கள் குஷியாக உள்ளனர்.
#image_title
வேட்டையன் படத்தின் டீசரில் ஒரு காட்சியில் குறி வைச்சா, இரை விழணும் என டயலாக் பேசும் ரஜினி, கையில் வைத்துள்ள கண்ணாடி கிளாஸ்களை கண்களை நோக்கி வீச, அவரது போட்டிருக்கும் கண்ணாடி பிரேம்களில் அந்த கண்ணாடிகள் போய் ஒட்டிக்கொள்ளும். வேற லெவலில் இருந்த இந்த காட்சியை பார்த்த ரசிகர்கள், அசந்து போய் விட்டனர். இது விஎப்எக்ஸ் தொழில்நுட்ப காட்சியில்லை. ரஜினியே இரண்டு நாட்கள் பயிற்சி செய்து, 3வது நாளில் அந்த காட்சியில் அப்படி ஸ்டைலாக நடித்ததாக படக்குழுவினர் தெரிவித்துள்ளனர். அதனால் ரஜினி பயன்படுத்திய அதே கண் கண்ணாடி வாங்க, ஆப்டிக்கல்ஸ் கடைகளுக்கு படையெடுத்து சென்றுள்ளார்.
#image_title
இதுகுறித்து நடிகர் மற்றும் பத்திரிகையாளர் பயில்வான் ரங்கநாதன் கூறுகையில், அந்த கண்ணாடியின் விலை 3 ஆயிரம் ரூபாய். மேகனடிக் கிட் பிராசஸிங் என்ற பெயர் கொண்டது. சென்னையில் உள்ள பிரபல கண்ணாடி கதையில் சில மணி நேரத்தில் 30 கண்ணாடிகளும் விற்கப்பட்டு விட்டது. இந்தியா முழுவதும் ஒரே நாளில் 15 ஆயிரம் கண் கண்ணாடிகள் விற்று காலியாகி உள்ளது. ரஜினி நடிக்கும் படம் மட்டும் மாஸ் அல்ல, அவர் படத்தில் பயன்படுத்தும் கண்ணாடி கூட மாஸ் தான். அதனால் ஒரே நாளில் அந்த கண் கண்ணாடிக்கு மவுசு அதிகரித்து விற்று தீர்ந்துவிட்டது என்று அந்த நேர்காணலில் கூறியிருக்கிறார் பயில்வான் ரங்கநாதன்.