லேடி சூப்பர் ஸ்டார் என அழைக்கப்படும் நயன்தாரா தமிழ், தெலுங்கு, மலையாளம் உள்ளிட்ட பல்வேறு மொழி படங்களில் நடித்துள்ளார். தற்போது ஜவான் படத்தின் மூலம் நயன்தாரா ஹிந்தியில் என்ட்ரி கொடுத்துள்ளார்.
அந்த படத்தில் நயன்தாரா ஷாருக்கானுக்கு ஜோடியாக நடித்திருந்தார். அந்தப் படம் பிளாக்பஸ்டர் ஹிட் ஆனதால் அடுத்தடுத்த ஹிந்தி படங்களில் நயன்தாரா கமிட் ஆகியதாக செய்திகள் உலா வருகிறது. இந்நிலையில் நடிப்பு ஒரு பக்கம் இருக்க நயன்தாரா பிசினஸிலும் பிஸியாக உள்ளார்.
முன்னதாக நயன்தாராவும் அவரது கணவர் விக்னேஷ் சிவனும் 9 ஸ்கின் ப்ராடக்ட்டை அறிமுகப்படுத்தினர். இந்த ப்ராடக்ட் இந்தியா, மலேசியா, சிங்கப்பூர் ஆகிய நாடுகளில் கிடைக்கும். இந்நிலையில் நயன்தாரா Femi9 என்ற சானிட்டரி நாப்கின் பிராண்டு தொழிலை தொடங்கியுள்ளார்.
இதுகுறித்து நயன்தாரா தனது இன்ஸ்டாகிராம் பக்கத்தில் இது ஒரு பெண்ணின் வலிமை மற்றும் அழகுக்கான ஒரு அடையாளம். பெண்களுக்கு அதிகாரம் அளிக்கும் இந்த முயற்சியை கொண்டாட என்னுடன் இணையுங்கள். ஒருவரை ஒருவர் ஆதரிப்போம். இணைந்து உயர்வோம் என குறிப்பிட்டுள்ளார். இதனை பார்த்த நெட்டிசன்கள் நயன்தாராவுக்கு வாழ்த்து தெரிவித்து வருகின்றனர்.
View this post on Instagram