தமிழ் சினிமாவில் விஷால் நடிப்பில் வெளிவந்த திமிரு, கார்த்தியின் கொம்பன் மற்றும் தளபதி நடிப்பில் வெளிவந்து மாபெரும் வரவேற்பைப் பெற்ற பிகில் போன்ற திரைப்படங்களில் வில்லனாக நடித்ததின் மூலம் ரசிகர்கள் மத்தியில் பெருமளவில் பிரபலமானவர் நடிகர் விஜயன். இவர் கேரள மாநிலம் திருச்சூரை பூர்வீகமாக கொண்டவர். வறுமையின் காரணமாக ஆரம்பத்தில் திருச்சூர் முனிசிபாலிட்டி மைதானத்தில் சோடா விற்று வந்தார்.
சிறுவயது முதலே கால்பந்தாட்டத்தில் ஆர்வம் கொண்டிருந்த விஜயன், பின்னர் கேரள டிஜிபி மூலமாக கேரளா காவல்துறையில் கால்பந்தாட்ட கிளப்பில் தனது 17 வயதில் இணைந்தார். கேரள காவல்துறை கால்பந்தாட்ட அணியில் சிறப்பாக செயல்பட்டு வந்த விஜயன் பல்வேறு போட்டிகளில் தனது அபார ஆட்டத்தால் அனைவரையும் கவர்ந்தார்.
2003ஆம் ஆண்டு சர்வதேச கால்பந்து விளையாட்டில் இருந்து விலகினார். இதுவரை 40 சர்வதேச கால்பந்தாட்ட போட்டிகளில் விளையாடிய விஜயன், 29 கோல்களை அடித்துள்ளார். கால்பந்தாட்ட விளையாட்டில் இருந்து ஓய்வு பெற்ற பின்னர் சினிமாவில் நடிக்க தொடங்கினார். மலையாளத்தில் கடந்த 2001 ஆம் ஆண்டு வெளியான ஷாந்தம் என்ற படத்தில் நடித்து தனது சினிமா பயணத்தை தொடங்கினார். மலையாளத்தில் இதுவரை 20க்கும் மேற்பட்ட படங்களில் நடித்த விஜயன் தமிழில் திமிரு, கொம்பன், பிகில் போன்ற படங்களில் நடித்துள்ளார்.
இவர் நடிகர் மட்டுமல்ல. கேரளா மாநிலத்தில் போலீசாக பணியாற்றி வருகிறார். கால்பந்து அணியின் கேப்டனாக இருந்த அவர் பின்னர் அதிலிருந்து ஓய்வு பெற்றதை தொடர்ந்து போலீஸ் அதிகாரியாக பணியாற்றி வருகிறார். தற்பொழுது இவர் தனது மனைவிக்கு பிறந்தநாள் வாழ்த்து கூறி அவருடன் எடுத்துக் கண்ட புகைப்படத்தை பதிவு செய்துள்ளார்.இப்புகைப்படத்தை பார்த்த ரசிகர்கள் அவருக்கு பிறந்தநாள் வாழ்த்துக்களை கூறி வருகின்றனர்.