தமிழ் சினிமாவில் முன்னணி கதாநாயகியாக வலம் வந்த மீரா ஜாஸ்மின் கடந்த 2002-ஆம் ஆண்டு வெளியான ரன் திரைப்படத்தின் மூலம் தமிழ் சினிமாவில் அறிமுகமானார். இவர் தமிழ் மட்டுமில்லாமல் மலையாளம், தெலுங்கு, கன்னடம் உள்ளிட்ட அனைத்து மொழி படங்களிலும் நடித்துள்ளார்.
இவர் விஜயுடன் புதிய கீதை, அஜித்துடன் ஆஞ்சநேயா ஆகிய படத்தில் நடித்தார். ஆனால் அந்த படங்களில் மீரா ஜாஸ்மினுக்கு ஏற்ற வரவேற்பு கிடைக்கவில்லை. இதனைத் தொடர்ந்து விஷாலுடன் சண்டைக்கோழி படத்தில் நடித்து பிரபலமானார்.
கடந்த 2014-ஆம் ஆண்டு அணில் ஜான் என்பவரை திருமணம் செய்து கொண்டு மீரா ஜாஸ்மின் சினிமாவில் இருந்து சற்று விலகி இருந்தார். நடிகை மீரா ஜாஸ்மின் தமிழக அரசின் சிறந்த நடிகைக்கான விருது மற்றும் கலை மாமணி விருது என இளம் வயதிலேயே பல்வேறு விருதுகளை வென்றார்.
தான் நடித்த முதல் படத்திலேயே ரசிகர்களின் மனதில் இடம் பிடித்தவர் மீரா ஜாஸ்மின். சோசியல் மீடியாவில் ஆக்டிவாக இருக்கும் மீரா ஜாஸ்மின் போட்டோஷூட் நடத்தி புகைப்படங்களை வெளியிடுவார்.
தற்போது 41 வயதான மீரா ஜாஸ்மின் வெளிநாட்டில் இருக்கும் புகைப்படத்தை பதிவிட்டுள்ளார். அதனை பார்த்து ரசிகர்கள் உங்களுக்கு வயசு கூடுதா? குறையுதான்னு தெரியல என கமெண்ட் செய்து வருகின்றனர்.
