விஜய் டிவியில் ஒளிபரப்பாகும் பிரபல பாண்டியன் ஸ்டோர்ஸ் சீரியல் கடந்த 2018-ஆம் ஆண்டு தொடங்கப்பட்டது. இந்த சீரியலில் ஸ்டாலின் முத்து, சுஜிதா, வெங்கட் ரங்கநாதன், ஹேமா ராஜ், சதீஷ், குமரன் தங்கராஜன், லாவண்யா உள்ளிட்ட பலர் முக்கிய கதாபாத்திரங்களில் நடித்த வருகின்றனர். இதுவரை சீரியல் 1440 எபிசோடுகளை கடந்தது.
இந்நிலையில் சீரியல் விரைவில் முடிவுக்கு வரப் போவதாக தகவல்கள் வெளியாகி உள்ளது. பாண்டியனின் நான்கு மகன்களான சத்தியமூர்த்தி, ஜீவானந்தம், கதிரவன், ஜெய கண்ணன் ஆகிய 4 பேரை சுற்றி கூட்டுக் குடும்பத்தில் நடக்கும் விஷயங்களை மையமாக வைத்து பாண்டியன் ஸ்டோர் சீரியல் நகர்கிறது. இந்நிலையில் டிஆர்பி ரேட்டிங் தொடர்ந்து சரிவை சந்தித்ததால் சீரியல் முடிவுக்கு வரப் போவதாக தகவல் வெளியாகியுள்ளது.
மூர்த்தியின் மூன்றாவது தம்பி கண்ணனாக நடித்த சரவணன் விக்ரம் இப்போது பிக் பாஸ் வீட்டிற்குள் சென்று விட்டார். அவர் பிக் பாஸ்க்கு சென்றதால் தான் சீரியல் முடிவடைய போகிறதா? என சோசியல் மீடியாவில் பலரும் கேள்வி எழுப்பினர். ஆனால் அதற்கு சரவணன் விக்ரம் காரணம் இல்லை.
தொடர்ந்து டிஆர்பி ரேட்டிங்கில் பாண்டியன் ஸ்டோர்ஸ் சீரியல் சரிவை சந்தித்ததால் தான் சீரியல் முடிவுக்கு வரப்போவதாக தகவல்கள் வெளியாகி உள்ளது. ஒருவேளை சரவணன் விக்ரமுக்கு பதிலாக வேறு ஒருவரை நடிக்க வைப்பதும் இப்போதைக்கு சாத்தியம் இல்லை. எனவே சீரியல் முடிவுக்கு வருகிறதா என்பதை பொறுத்திருந்து பார்ப்போம்.
