தமிழகம் முழுவதும் டாஸ்மாக் கடைகளுக்கு விடுமுறை…. குடிமகன்களுக்கு ஷாக் நியூஸ்….!

தமிழகத்தில் மொத்தமாக 4,829 டாஸ்மாக் கடைகள் இயங்கி வருகிறது. இதனை அரசு எடுத்து நடத்திவரும் நிலையில் ஒரு நாளைக்கு 100 கோடிக்கு அளவிலான மது விற்பனை நடைபெறுகிறது. அதிலும் வார இறுதி நாட்களில் 170 கோடி முதல் 150 கோடி வரை மது விற்பனை செய்யப்படுகிறது. குறிப்பாக பண்டிகை நாட்களில் தமிழக அரசால் இலக்கு நிர்ணயிக்கப்படாத அளவுக்கு மது விற்பனை நடைபெற்று வருகிறது. கடந்த தீபாவளி பண்டிகைக்கு மட்டும் 790 கோடிக்கு மது விற்பனை செய்யப்பட்டது. வருமானத்தை அள்ளிக் கொடுக்கும் துறையாக தமிழகத்தில் டாஸ்மாக் விளங்குகிறது.

இந்நிலையில் மழை, வெள்ளம், புயல் மட்டுமல்லாமல் பண்டிகை காலங்களில் மற்ற அரசு நிறுவனங்கள், அலுவலகங்களுக்கு விடுமுறை அளிக்கப்பட்டாலும் டாஸ்மாக் மதுபான கடைகளுக்கு மட்டும் விடுமுறை என்பதை கிடையாது. எனவே தமிழக அரசு சார்பில் வருடத்திற்கு குறிப்பிட்ட 8 நாட்கள் மட்டும் டாஸ்மாக் கடைகளுக்கு விடுமுறையாகும். அதன்படி 2026 ஆம் ஆண்டுக்கான டாஸ்மாக் விடுமுறை பட்டியல் வெளியாகி உள்ளது.

அதாவது ஜனவரி 16 வெள்ளிக்கிழமை திருவள்ளுவர் தினம், ஜனவரி 26 திங்கட்கிழமை குடியரசு தினம், பிப்ரவரி 1 ஞாயிற்றுக்கிழமை வடலூர் ராமலிங்கம் நினைவு தினம், ஏப்ரல் 31 செவ்வாய்க்கிழமை மகாவீர் ஜெயந்தி, மே 1 வெள்ளிக்கிழமை தொழிலாளர் தினம், ஆகஸ்ட் 15 சனிக்கிழமை சுதந்திர தினம், செப்டம்பர் 26 புதன்கிழமை மிலாது நபி, அக்டோபர் 2 வெள்ளிக்கிழமை காந்தி ஜெயந்தி உள்ளிட்ட 8 நாட்களுக்கு மட்டுமே விடுமுறை அறிவிக்கப்பட்டுள்ளது.