டெல்லி சதர் பஜார் பகுதியைச் சேர்ந்த 6-ஆம் வகுப்பு படிக்கும் 11 வயது சிறுமி, கடந்த செப்டம்பர் 16 அன்று இரவு 11 மணியளவில் எழுதுவதற்கு பேனா வாங்குவதற்காக அருகில் உள்ள கடைக்குச் சென்றுள்ளார். சிறுமி தனியாக வருவதை நோட்டமிட்ட அதே பகுதியைச் சேர்ந்த 56 வயதான தையல்காரர் மக்சூத் என்பவர், ஆசைவார்த்தை கூறி அச்சிறுமியைத் தனது தையல் கடைக்குள் அழைத்துச் சென்றுள்ளார். அங்குச் சிறுமியின் கை, கால்களைக் கயிற்றால் இறுகக் கட்டிப்போட்டு, கொடூரமான முறையில் பாலியல் வன்கொடுமை செய்துள்ளார்.
காவாலியின் பிடியிலிருந்து தப்பித்து வீட்டிற்கு ஓடிவந்த சிறுமி, பெற்றோருக்கு நேர்ந்த கொடூரத்தைக் கூறி கதறி அழுத்துள்ளார். இதுகுறித்து அளிக்கப்பட்ட புகாரின் பேரில், டெல்லி வடக்கு மாவட்ட போலிஸார் பாலியல் வன்கொடுமை, சட்டவிரோதமாகச் சிறைவைத்தல் மற்றும் போக்சோ (POCSO) ஆகிய சட்டப்பிரிவுகளின் கீழ் வழக்குப் பதிவு செய்து, காவாலி மக்சூதை அதிரடியாகக் கைது செய்து சிறையில் அடைத்தனர்.