சித்திரை மாத வளர்பிறையில் வரும் மோகினி ஏகாதசி, மகாவிஷ்ணுவின் மோகினி அவதாரத்தைப் போற்றும் மிகச் சிறப்பான நாளாகக் கருதப்படுகிறது. 2026-ஆம் ஆண்டு ஏப்ரல் 27-ஆம் தேதியான நேற்று இந்த ஏகாதசி கொண்டபட்ட வேளையில், கிரகங்களின் சாதகமான நிலையால் குறிப்பிட்ட சில ராசியினருக்கு ஜூலை மாதம் வரை அதிர்ஷ்டக் காற்று வீசவுள்ளது. மேஷம், ரிஷபம், மிதுனம், கடகம் மற்றும் மகரம் ஆகிய ஐந்து ராசிகளும் இந்த ஆன்மீக பலன்களால் பெரும் மாற்றங்களைக் காணப்போகின்றன.
மேஷ ராசியினருக்கு முடங்கிக் கிடந்த காரியங்கள் வேகம் எடுப்பதுடன், பணியிடத்தில் மேலதிகாரிகளின் நன்மதிப்பும், திடீர் பண வரவும் உண்டாகும். ரிஷப ராசியினரைப் பொறுத்தவரை, நீண்ட நாள் நிதி நெருக்கடிகள் நீங்கி, குடும்பத்தில் மங்கல நிகழ்வுகள் கைகூடி வரும் ‘ராஜ யோக’ காலம் இதுவெனலாம். மிதுன ராசியினர் வேலைவாய்ப்பு மற்றும் தொழில் ரீதியாகப் புதிய உயரங்களை எட்டுவார்கள்; குறிப்பாக வெளிநாட்டுப் பயண முயற்சிகளில் இருந்த தடைகள் விலகி நல்ல லாபம் ஈட்டுவார்கள்.
கடக ராசியினருக்கு மன உளைச்சல்கள் நீங்கி நிம்மதி பிறப்பதுடன், சொத்து சம்பந்தமான இழுபறிகள் இச்சமயத்தில் ஒரு முடிவுக்கு வரும். மகர ராசிக்காரர்களுக்குச் சனியின் அருளால் தொட்டதெல்லாம் துலங்கும் காலம் என்பதால், குறிப்பாக ரியல் எஸ்டேட் மற்றும் தொழில் துறையில் இருப்பவர்கள் பெரும் பொருளாதார முன்னேற்றத்தைச் சந்திப்பார்கள். இந்த ஏகாதசி நாளில் விஷ்ணு சகஸ்ரநாமம் பாராயணம் செய்து வழிபடுவது, இந்த ஐந்து ராசியினரின் அதிர்ஷ்டத்தை இரட்டிப்பாக்கி வாழ்வில் சுபிட்சத்தை நிலைநாட்டும்.