“சித்தப்பா என்னை விட்டுருங்க” 5 வயது சிறுமி பாலியல் வன்கொடுமை செய்து கொலை.. காருக்கடியில் வீசப்பட்ட சடலம்… நாடே அதிர்ச்சி..!!

உத்தரப் பிரதேச மாநிலம் காசியாபாத்தில், ஐந்து வயது சிறுமி ஒருவரை அவரது சொந்த சித்தப்பாவே பாலியல் வன்கொடுமை செய்து கொலை செய்துள்ள அதிர்ச்சி சம்பவம் நாடு முழுவதும் பெரும் கொந்தளிப்பை ஏற்படுத்தியுள்ளது. நேற்று மாலை வீட்டின் வெளியே விளையாடிக் கொண்டிருந்த சிறுமி திடீரென மாயமானார். பல இடங்களில் தேடியும் கிடைக்காத நிலையில், நள்ளிரவில் வீட்டின் மொட்டை மாடியில் ஒரு சாக்கு மூட்டையிலிருந்து சிறுமியின் உடல் மீட்கப்பட்டது.

சிறுமியின் உடலில் காயங்கள் இருந்ததைக் கண்டு சந்தேகமடைந்த குடும்பத்தினர் போலீசாருக்கு தகவல் தெரிவித்தனர். உடற்கூறாய்வு அறிக்கையில், அந்தச் சிறுமி மிகக் கொடூரமாக பாலியல் வன்கொடுமை செய்யப்பட்டு, கழுத்தை நெரித்துக் கொலை செய்யப்பட்டுள்ளது உறுதி செய்யப்பட்டது. இந்த வழக்கில், தலைமறைவாக உள்ள சிறுமியின் சித்தப்பாவே குற்றவாளி என்பது தெரியவந்துள்ளதால், அவர் மீது போக்சோ (POCSO) சட்டத்தின் கீழ் வழக்குப்பதிவு செய்யப்பட்டுள்ளது.

தற்போது தலைமறைவாக இருக்கும் அந்த நபரைக் கைது செய்ய காசியாபாத் போலீசார் ஐந்து தனிப்படைகளை அமைத்துள்ளனர். உறவினரே இது போன்றதொரு கொடூரச் செயலில் ஈடுபட்டது அப்பகுதி மக்களிடையே பெரும் அதிர்ச்சியை ஏற்படுத்தியுள்ளது. குற்றவாளியை விரைவில் பிடித்து கடுமையான தண்டனை வழங்க வேண்டும் என உயிரிழந்த சிறுமியின் குடும்பத்தினர் மற்றும் சமூக ஆர்வலர்கள் கோரிக்கை விடுத்துள்ளனர்.