டொனால்ட் டிரம்ப் ‘நான்தான் பாஸ்’… ‘மண்டை மேல உள்ள கொண்டையை மறந்த’ அமெரிக்கா… அதிகாலையில் இஸ்ரேல் செய்த ‘அந்த’ காரியம்… உலகமே உறைந்துபோன அதிகாலை 4:43 மணி….!

மத்திய கிழக்கு ஆசியப் பகுதியில் நிலவி வந்த தற்காலிக அமைதி முற்றிலும் குலைந்து, இஸ்ரேல் மற்றும் ஈரான் நாடுகளுக்கிடையே தற்போது நேரடி ராணுவ மோதல் வெடித்துள்ளது. லெபனான் மீதான இஸ்ரேலின் தொடர் தாக்குதல்களுக்குப் பதிலடி கொடுக்கும் வகையில், ஈரான் நேற்று இரவு இஸ்ரேலின் வடக்கு பகுதியை நோக்கி நூற்றுக்கணக்கான ஏவுகணைகளை ஏவி அதிரடி தாக்குதல் நடத்தியது. இதனால் இஸ்ரேலின் உயர்மட்ட அரசியல் மற்றும் ராணுவ வட்டாரங்களில் பெரும் பதற்றமும் பரபரப்பும் நிலவியது. ஈரானின் இந்தத் தாக்குதலுக்குப் பதிலடியாக, இன்று அதிகாலை 4:43 மணி அளவில் இஸ்ரேல் ராணுவம் ஈரானின் தலைநகர் டெஹ்ரான், இஸ்பஹான் மற்றும் தப்ரிஸ் ஆகிய நகரங்களில் உள்ள முக்கிய ராணுவ இலக்குகளைக் குறிவைத்து அதிரடி வான்வழித் தாக்குதல்களை நடத்தியுள்ளது.

மத்திய கிழக்கில் தங்களின் கட்டுப்பாட்டை நிலைநாட்டத் துடிக்கும் அமெரிக்க அதிபர் டொனால்ட் டிரம்புக்கு, இஸ்ரேலின் இந்த தன்னிச்சையான பதிலடித் தாக்குதல் ஒரு மிகப்பெரிய பின்னடைவை ஏற்படுத்தியுள்ளது. அமெரிக்காவிற்கும் ஈரானுக்கும் இடையே அடுத்த சில நாட்களில் ஒரு மிக முக்கிய அமைதி ஒப்பந்தம் அல்லது புரிந்துணர்வு ஒப்பந்தம் (MoU) கையெழுத்தாகப் போகிறது என்றும், அதற்கான சாத்தியக்கூறுகள் மிக பிரகாசமாக இருப்பதாகவும் டிரம்ப் சமீபத்தில் தொடர்ச்சியாகக் கூறிவந்தார். மேலும், ‘தி பைனான்சியல் டைம்ஸ்’ நாளிதழுக்கு டிரம்ப் அளித்த பிரத்யேக பேட்டியில், “மத்திய கிழக்கில் நான்தான் இறுதி முடிவுகளை எடுக்கிறேன்; ஈரானுடன் அமெரிக்கா செய்யும் ஒப்பந்தத்தை ஏற்றுக்கொள்வதைத் தவிர இஸ்ரேல் பிரதமர் பெஞ்சமின் நெதன்யாகுவுக்கு வேறு வழியில்லை” என்று மிகவும் அதிரடியாகக் குறிப்பிட்டிருந்தார்.

ஈரான் நேற்று இரவு நடத்திய ஏவுகணைத் தாக்குதலைத் தொடர்ந்து, அமெரிக்க அதிபர் டொனால்ட் டிரம்ப் உடனடியாக இஸ்ரேல் பிரதமர் பெஞ்சமின் நெதன்யாகுவைத் தொலைபேசியில் அழைத்து பேசினார். அப்போது, பிராந்தியத்தில் நிலைமை மேலும் மோசமடைவதைத் தடுக்க அமைதி காக்குமாறும் (Restraint), ஈரான் மீது உடனடித் தாக்குதல் நடத்த வேண்டாம் என்றும் டிரம்ப் நெதன்யாகுவை வலியுறுத்திக் கேட்டுக்கொண்டார். ஆனால், அமெரிக்க அதிபரின் இந்த நேரடி எச்சரிக்கையையும் ஆலோசனையையும் இஸ்ரேல் பிரதமர் நெதன்யாகு முற்றிலுமாகப் புறக்கணித்துவிட்டு, அதிகாலையிலேயே ஈரானிய நகரங்கள் மீது வான்வழித் தாக்குதலை நடத்த உத்தரவிட்டார்.

டிரம்பின் வார்த்தைகளை மீறி இஸ்ரேல் நடத்தியுள்ள இந்த அதிரடி பதிலடி நடவடிக்கை, அமெரிக்காவின் சமாதான முயற்சிகளையும், டிரம்பின் சர்வதேசப் பேச்சுவார்த்தை திட்டங்களையும் தற்போது மிகப்பெரிய சிக்கலுக்குள் தள்ளியுள்ளது. ஈரானுடன் தூதரக ரீதியாகப் பேசி அமைதியைக் கொண்டுவர நினைத்த அமெரிக்காவின் உலகளாவிய நற்பெயருக்கு இந்தச் சம்பவம் பெரும் சவாலாக மாறியுள்ளது. இரு நாடுகளும் நேரடியாகப் போரில் இறங்கியுள்ளதால், மத்திய கிழக்கு பகுதியில் அடுத்தடுத்து என்ன நடக்கும் என்ற அச்சமும், உலகளாவிய பொருளாதார மற்றும் அரசியல் மாற்றங்கள் குறித்த கவலையும் சர்வதேச நாடுகளிடையே எழுந்துள்ளது.