ஒரே குடும்பம்… மூன்று கட்சிகள்… மூன்று எம்.எல்.ஏ-க்கள்.. லாட்டரி மார்ட்டின் குடும்பத்தின் மிரட்டல் அரசியல் சாதனை..!!

2026 தமிழ்நாடு மற்றும் புதுச்சேரி சட்டசபை தேர்தல் முடிவுகள் வெளியாகி வரும் நிலையில், நடிகர் விஜய் தலைமையிலான தமிழக வெற்றிக் கழகம் முதல் தேர்தலிலேயே 108 இடங்களை நெருங்கி மாபெரும் வெற்றியைப் பதிவு செய்துள்ளது. இந்தத் தேர்தலில் ஒரு சுவாரஸ்யமான நிகழ்வாக, பிரபல தொழிலதிபர் லாட்டரி மார்ட்டின் குடும்பத்தைச் சேர்ந்த மூன்று பேர் சட்டமன்ற உறுப்பினர்களாகத் தேர்வு செய்யப்பட்டுள்ளனர். தவெக-வின் அபார வெற்றியுடன் இணைந்து இந்தக் குடும்பத்தின் வெற்றியும் தமிழக அரசியலில் உற்று நோக்கப்படுகிறது.

இந்த வெற்றியின் சிறப்பம்சமே, ஒரே குடும்பத்தைச் சேர்ந்த மூன்று பேரும் வெவ்வேறு அரசியல் கட்சிகள் மற்றும் மாநிலங்களில் போட்டியிட்டு வெற்றி பெற்றுள்ளதுதான். லாட்டரி மார்ட்டினின் மருமகன் ஆதவ் அர்ஜுனா தமிழக வெற்றிக் கழகம் சார்பிலும், அவரது மனைவி லீமா ரோஸ் அதிமுக சார்பிலும் போட்டியிட்டு வெற்றி பெற்றுள்ளனர். அதேபோல், மார்ட்டினின் மகன் ஜோஸ் சார்லஸ் மார்ட்டின் புதுச்சேரியில் தனது சொந்தக் கட்சியின் மூலம் களம் கண்டு எம்.எல்.ஏ-வாகத் தேர்வு செய்யப்பட்டுள்ளார்.

வெவ்வேறு அரசியல் சித்தாந்தங்களைக் கொண்ட கட்சிகளில் களம் இறங்கினாலும், ஒரே குடும்பத்தைச் சேர்ந்த மூன்று பேர் சட்டமன்றத்திற்குத் தேர்வாகி இருப்பது அரசியல் வட்டாரத்தில் வியப்பை ஏற்படுத்தியுள்ளது. தமிழகத்தில் தவெக மற்றும் அதிமுக பிரதிநிதிகளாக இருவர் நுழைய, புதுச்சேரியில் ஒரு பிரதிநிதி என மார்ட்டின் குடும்பம் தனது அரசியல் பலத்தை நிரூபித்துள்ளது. தேர்தல் முடிவுகளுக்குப் பிந்தைய சூழலில், இந்தக் குடும்பத்தின் அரசியல் நகர்வுகள் இனி வரும் காலங்களில் முக்கியத்துவம் வாய்ந்ததாகக் கருதப்படுகிறது