இபிஎஸ்-க்கு செம ஷாக்… விஜயுடன் கூட்டணி அமைக்கும் 3 முக்கிய தலைவர்கள்… யாரும் எதிர்பார்க்காத ட்விஸ்ட்…!

தமிழகத்தில் 2026 ஆம் ஆண்டு சட்டமன்ற தேர்தல் நெருங்கிக் கொண்டிருக்கும் சூழலில் அனைத்து அரசியல் கட்சிகளும் தீவிரமாக தேர்தல் பணியில் ஈடுபட்டு வருகின்றன. அதேசமயம் கூட்டணி குறித்த பேச்சு வார்த்தையும் மும்முரமாக நடந்து கொண்டிருக்கிறது. இதனிடையே தனது கூட்டணியை பலமாக வைத்துக் கொண்டே மீண்டும் திமுக ஆட்சியை தமிழகத்தில் தக்க வைத்து விடலாம் என்ற எண்ணத்தில் முதல்வர் ஸ்டாலின் செயல்பட்டு வருகிறார். அதேசமயம் மற்றொரு பக்கம் இபிஎஸ் பாஜகவுடன் கூட்டணி வைத்துக் கொண்டு அதிமுக ஆட்சியை தமிழகத்தில் நிலைநாட்டி விட வேண்டும் என்ற எண்ணத்தில் செயல்பட்டு வருகிறார்.

ஆனால் பாஜகவுடன் கூட்டணி வைத்துள்ளதால் அதிமுக நிர்வாகிகள் பலரும் அதிருப்தியில் உள்ளனர். அதேசமயம் சமீபத்தில் அதிமுகவிலிருந்து மூத்த நிர்வாகி செங்கோட்டையன் நீக்கப்பட்டது மேலும் பரபரப்பு கிளப்பியுள்ளது. அதுமட்டுமல்லாமல் NDA கூட்டணியில் இருந்து ஓபிஎஸ் மற்றும் டிடிவி தினகரன் விலகிய நிலையில் அவர்களை சமாதானம் செய்யும் வேலையும் ஒரு பக்கம் நடந்து கொண்டிருக்கிறது.

இந்நிலையில் தொலைபேசி மூலம் சமாதானம் செய்த நயினார் நாகேந்திரனிடம் ஓபிஎஸ் பிடி கொடுக்காமல் பதிலளித்துள்ளார். அதுமட்டுமல்லாமல் TVK உடன் கூட்டணி வைப்பீர்களா என்ற கேள்விக்கு எதிர்காலத்தில் எதுவும் நடக்கலாம் என்று அவர் பதிலளித்துள்ளார். ஏற்கனவே விஜய் தலைமையில் கூட்டணி அமையும் என டிடிவி தினகரனும் கூறி இருந்தார். இதனால் ஓபிஎஸ், டிடிவி தினகரன் மற்றும் செங்கோட்டையன் இணைந்து விஜயுடன் கூட்டணி வைக்க வாய்ப்புள்ளதாக அரசியல் விமர்சகர்கள் கூறுகின்றனர். இது இபிஎஸ்க்கு பெரும் தலைவலியாக அமைந்துள்ளது.