பொதுவாக காதலுக்கு கண் இல்லை என்பதை அனைவரும் கேள்விப்பட்டிருப்போம். அதைப்போல காதலுக்கும் வயதில்லை என்பதை ஜப்பானில் ஒரு தம்பதி நிரூபித்து காட்டியுள்ளனர். அதாவது 23 வயதான நபர் ஒருவர் தனது வகுப்புத் தோழியின் 83 வயது பாட்டியுடன் டேட்டிங் செய்து வருகிறார். அவர்களுக்கு இடையே 60 வயது வித்தியாசம் இருப்பது பலரையும் வியப்பில் ஆழ்த்தியுள்ளது. இவ்வளவு துடிப்பான ஒரு இளைஞனை நான் ஒருபோதும் சந்தித்ததில்லை, நான் அவரிடம் ஈர்க்கப்பட்டேன் என்று அந்த பாட்டி நேர்காணல் ஒன்றில் கூறுகிறார்.
முதலில் பெரிய வயது இடைவெளி காரணமாக இருவருக்கும் இடையே ஒரு தயக்கம் இருந்துள்ளது. அந்த பாட்டிக்கு இரண்டு முறை திருமணம் ஆகிவிட்டது. ஒரு மகன் மற்றும் ஒரு மகள் மற்றும் ஐந்து பேரக்குழந்தைகள் உள்ள நிலையில் விவாகரத்து பெற்றதிலிருந்து தனது மகனுடன் வசித்து வந்துள்ளார். தற்போது 23 வயதாகும் அந்த வாலிபர் பட்டப்படிப்பை முடிக்க போகிறார். இருவரும் சேர்ந்து தங்கள் வாழ்க்கையில் ஒன்றாக பயணிக்க உள்ளதாக கூறியுள்ள நிலையில் இந்தச் செய்தி இணையத்தை ஆக்கிரமித்துள்ளது.