தமிழக மக்களுக்கு ஜாக்பாட்..! 200 யூனிட் இலவச மின்சாரம்.. அரசாணை வெளியீடு புதிய கணக்கீடு.. எப்படி தெரியுமா..?

தமிழகத்தில் இதுவரை நடைமுறையிலிருந்த 100 யூனிட் இலவச மின்சாரத் திட்டத்திற்கு மாற்றாக, தற்போது 200 யூனிட் இலவச மின்சாரம் வழங்கும் திட்டம் அரசாணையாக வெளியிடப்பட்டுள்ளது. இந்தப் புதிய விதிமுறையின்படி, ஒரு நுகர்வோரின் இரு மாத மின் பயன்பாடு 500 யூனிட்டுகளுக்கு மிகாமல் இருந்தால் மட்டுமே 200 யூனிட் இலவச மின்சாரம் வழங்கப்படும். மாறாக, மின் பயன்பாடு 500 யூனிட்டுகளுக்கு மேல் சென்றால், பழைய நடைமுறைப்படியே 100 யூனிட் மட்டுமே இலவசமாக வழங்கப்படும் எனத் தெளிவுபடுத்தப்பட்டுள்ளது.

இந்தத் திட்டத்தினால் 500 யூனிட்டுகளுக்குக் குறைவாகப் பயன்படுத்தும் சுமார் 2.23 கோடி மின் நுகர்வோர்கள் நேரடியாகப் பயனடைவார்கள். இதன் மூலம் ஒவ்வொரு குடும்பத்திற்கும் மின் கட்டணத்தில் தலா ரூ. 235 வரை மிச்சமாகும். உதாரணமாக, இதற்கு முன்பு 210 யூனிட் பயன்படுத்தியவர்கள் ரூ. 282 கட்டணமாகச் செலுத்தி வந்த நிலையில், இனி அவர்கள் வெறும் ரூ. 47 மட்டும் செலுத்தினால் போதுமானது. அதேபோல் 300 யூனிட் பயன்படுத்துவோருக்குக் கட்டணம் ரூ. 705-லிருந்து ரூ. 470 ஆகக் குறையும்.

அரசின் இந்த முடிவினால் ஆண்டொன்றுக்கு கூடுதலாக ரூ. 1,730 கோடி செலவாகும் எனக் கணக்கிடப்பட்டுள்ளது, இந்தத் தொகையை அரசே ஏற்கும் என அறிவிக்கப்பட்டுள்ளது. நடுத்தர மற்றும் ஏழை மக்களின் நிதிச் சுமையைக் குறைக்கும் நோக்கில் கொண்டுவரப்பட்டுள்ள இந்த மாற்றத்தால், தமிழகத்தில் உள்ள மொத்த வீட்டு மின் இணைப்புகளில் சுமார் 90 சதவீதத்திற்கும் அதிகமானோர் பயன் பெறுவார்கள் என்பது குறிப்பிடத்தக்கது.