இந்திய இரயில்வேயின் அங்கமான ஐஆர்சிடிசி (IRCTC), பௌத்த புனிதத் தலங்களுக்குச் செல்லும் சிறப்புச் சுற்றுலா இரயில் பயணங்களுக்கு 20 சதவீதம் வரை கட்டணச் சலுகையை அறிவித்துள்ளது. இந்த ஜாக்பாட் தள்ளுபடியானது 2026-ஆம் ஆண்டு டிசம்பர் மற்றும் 2027-ஆம் ஆண்டின் தொடக்க மாதங்களில் குறிப்பிட்ட தேதிகளில் டெல்லியில் இருந்து புறப்படும் ரயில்களுக்கு மட்டுமே பொருந்தும். போத்காயா, வாரணாசி, குஷிநகர் உள்ளிட்ட முக்கிய ஆன்மீகத் தலங்களுக்குச் செல்லும் இந்தச் சுற்றுலாப் பொதியில், தங்கும் வசதி மற்றும் உணவு உள்ளிட்ட அனைத்தும் அடங்கும் என்பதால் பயணிகளுக்கு இது சிறந்த வாய்ப்பாக அமையும்.
முழுக்க முழுக்க ஏசி வசதி கொண்ட இந்தச் சிறப்பு இரயிலில் முதல் மற்றும் இரண்டாம் வகுப்பு பெட்டிகள் இணைக்கப்பட்டுள்ளன. டெல்லி சஃப்தர்ஜங் நிலையத்திலிருந்து தொடங்கும் இந்தப் பயணம், புத்தரின் புனிதத் தலங்களுடன் ஆக்ராவின் தாஜ்மகஹாலையும் கண்டுகளிக்கும் வகையில் திட்டமிடப்பட்டுள்ளது. சுமார் 76,905 ரூபாய் கட்டணமாக நிர்ணயிக்கப்பட்டுள்ள இந்தச் சுற்றுலா தொகுப்பில், அறிவிக்கப்பட்ட தேதிகளில் முன்பதிவு செய்பவர்கள் 20 சதவீத தள்ளுபடியைப் பெற்றுப் பயனடையலாம் என இரயில்வே நிர்வாகம் தெரிவித்துள்ளது.