உத்தரபிரதேச மாநிலம் ஃபரூக்காபாத்தில் பட்டாசு வெடித்ததில் இரண்டு மாணவர்கள் உயிரிழந்த சம்பவம் அதிர்ச்சியை ஏற்படுத்தியுள்ளது. ஃபரூக்காபாத் மாவட்டத்தின் கைம்கஞ்ச் நகரில் உள்ள சிபி சந்திப்பு அருகே, மூன்று மாணவர்கள் பட்டாசுகள் நிறைந்த பையை சுமந்துகொண்டு பைக்கில் சென்று கொண்டிருந்தனர். அவர்கள் சாலையைக் கடக்கும்போது, பட்டாசுகள் திடீரென வெடித்தன. வெடிப்பு மிகவும் சக்தி வாய்ந்ததாக இருந்ததால் பைக் வெடித்து, இரண்டு மாணவர்கள் துண்டு துண்டாக சிதறினர்.
இறந்த மாணவர்கள் ஃபதேபூர் பராலி கிராமத்தைச் சேர்ந்த துருவ் திவாரி மற்றும் பிரயாக் திவாரி. மூன்றாவது மாணவர், ஷம்சாபாத் காவல் நிலையத்தின் தலேல்கஞ்சில் வசிக்கும் தீபன்ஷு யாதவ் படுகாயமடைந்தார். போலீசார் சம்பவ இடத்திற்கு வந்து காயமடைந்த மாணவரை மருத்துவமனையில் அனுமதித்தனர். இறந்த இரண்டு மாணவர்களின் உடல்களையும் போலீசார் கைப்பற்றி பிரேத பரிசோதனைக்கு அனுப்பி வைத்துள்ளனர். இதற்கு முன்பு ஒரு பயிற்சி மையத்தில் வெடிப்பு ஏற்பட்டிருந்தது குறிப்பிடத்தக்கது.